ಕೊಂಡಿ ಕಳಚಿದ ಬಂಡಿ
ಮರಳು ಗಾಡಿನ ಮೂಖ ಹಕ್ಕಿಯು
ಬರಿದೇ ಬಾವನೆ ಬರೆಯುತಿದೆ
ಬರೆದ ಮರು ಕ್ಷಣ ಗಾಳಿಗೆ ಪದಗಳು
ಮರಳ ಕಣದಲ್ಲಿ ಮರೆಯುತ್ತಿವೆ..
ಸುಡುತಿಹ ಬಿಸಿಲಲ್ಲಿ ಒಣಗಿದ ಹೃದಯವು
ಪಸೆಯನು ಕಾಣದೆ ತುಡಿಯುತಿದೆ..
ಎಲ್ಲೋ ಕಾಣುವ ಮರಿಚಿಕೆಯನು ತಾನ್
ಹಿಡಿದೆ ಬಿಡುವೆನೆಂದೆನ್ನುತ ಓಡುತಿದೆ
ಮುಗಿಯದ ಪಯಣ, ಎಟುಕದ ಮರಣ
ಜೀವವ ಹಿಂಡಿ ನುಲಿಯುತಿದೆ
ಬದುಕಿನ ಬಂಡಿ, ಕಳಚಿದ ಕೊಂಡಿ
ಬಯಲಲಿ ಬಿದ್ದು ಉರುಳುತಿದೆ..
- ಶ್ರೀಗೋ.
21 Jan 2017, 10:23 pm
Download App from Playstore: