ನೀನಿಲ್ಲದೆ...
ನಿನ್ನ ಮೊಗವ ಕಾಣದೆ....
ಕತ್ತಲಿನಲ್ಲಿರುವನು ಸೂರ್ಯ ಮೋಡದಲಿ ಮರೆಯಾಗಿ,
ನಿನ್ನ ಪಾದ ಚುಂಬನವಿಲ್ಲದೆ....
ಸೌಂದರ್ಯ ಕಳೆದುಕೊಂಡು ಬರಡಾಗಿದೆ ಈ ಭೂಮಿ,
ನಿನ್ನ ಸ್ಪರ್ಶಕ್ಕಾಗಿ ಉಸಿರು ಬಿಗಿ ಹಿಡಿದು....
ಕಾದು ಕುಳಿತಿದೆ ಸದ್ದಿಲ್ಲದೆ ಈ ಗಾಳಿ,
ನಿನ್ನ ಭೇಟಿಗಾಗಿ ಕಾದು,ಕಾದು....
ಸ್ಥಬ್ಧವಾಗಿ ನಿಂತಿದೆ ಸಾಗರ,
ಸಾಗರದ ಅಲೆಗಳ ಮೂಲಕ ನೀರಿಲ್ಪದೆ
ಬಾಯಾರಿ ಬಳಲಿದೆ ತೀರದ ಮರಳು,
ನನ್ನ ಪ್ರೀತಿ ಒತ್ತಟ್ಟಿಗಿರಲಿ....
ಆ ಸೂರ್ಯ, ಈ ಭೂಮಿ,ಗಾಳಿ ಪ್ರಕೃತಿ ನಿನ್ನ
ಮೇಲಿಟ್ಟಿರುವ ಪ್ರೀತಿಗಾದರೂ ನೀನು ಬರುವೆಯಾ?.
- ಮುತ್ತು
26 Jan 2017, 04:35 pm
Download App from Playstore: