ಮಂಕು ಕವಿದಿರಲು.....
ಮಂಕು ಕವಿದಿದೆ ಮಾನವ ಸಂಕುಲಕೆ
ಏನ ಹೇಳುವುದು ಇವರ ಮರುಳತನಕೆ||
ಕತ್ತಲಲಿ ನಿಂತು ಬೆಳಕ ಹುಡುಕುವರು
ಹಿತ್ತಿಲಲೆ ಮದ್ದಿರಲು ಸುತ್ತೆಲ್ಲ ತಡಕಾಡುವರು||
ನೈಜ ಸೊಬಗಿನ ಮಹಿಮೆ ತಿಳಿಯದವರಿಗೆ
ಅಂಧಾನುಕರಣೆಯೇ ನಾಶವು ನಾಡಿಗೆ||
ತುಂಬಿಹುದು ಪ್ರತಿ ಮನದಿ ಮೋಹ ಮದ ಮಾತ್ಸರ್ಯ
ಸತ್ಯವನು ಸಾರುತಿರೆ ಪಡುತಿಹರು ಆಶ್ಚರ್ಯ||
ತೊಲಗಲಿ ಮನದಲ್ಲಿ ತುಂಬಿರುವ ಅಜ್ಞಾನ
ಬೆಳಗಲಿ ಜ್ಯೋತಿಯ ತೆರದಿ ಸುಜ್ಞಾನ||
- ನಮಿತ ಗಟ್ಟಿ
13 Feb 2017, 07:38 pm
Download App from Playstore: