ಅರಿವು
ಅಮ್ಮನುದರದಿಂ ಭುವಿಯ ಸೇರಿದೆ
ಕಣ್ಣು ತೆರೆಯುವ ಮುನ್ನ ,
ಆಸೆ ಗಂಟ ಹೊತ್ತು ಮುಂದೆ ಸಾಗಿದೆ
ದಾರಿ ಸಿಗದ ಮುನ್ನ ,
ಅರಿತು ಬಾಳದೆ ಹಗೆಯ ಸಾಧಿಸಿದೆ ಅರಿತರೂ ಅರಿಯದೆ ನಿನ್ನ ,
ಸಾಗಿ ಸಾಗಿ ಬೆಸವಳಿದು ಕುಳಿತೆ
ಕಂಡು ಕಾಣದೆ ನಿನ್ನ ,
ಅದನರಿತೇ ಇದನರಿತೇ ಎಂದೆ
ಏನೂ ಅರಿಯದ ಮುನ್ನ ,
ಬಂದ ಮೂರು ದಿನದಿ ಏನು ಸಾಧಿಸಿದೆ
ಸೇರುವ ಮೊದಲು ಮಣ್ಣ ,
ಬಂದ ದಾರೀಲೇ ಹಿಂತಿರುಗಿ ಹೋದೆ
ನೀನೇ ಅರಿಯದೇ ನಿನ್ನ .
- ಬಿ ಸಿ.ಬಸವರಾಜ
- ಬಿ.ಸಿ ಬಸವರಾಜ
18 Feb 2017, 11:42 am
Download App from Playstore: