ಮುಟ್ಟಾದಾಗ
ಮೊದಲ ಮುಟ್ಟು ನಿಂತಾಗಲೇ ತಾನೊಂದು ಉಚ್ಛ ಬಿರುದು ಪಡೆಯ ಹೊರಟವಳೆಂಬ ಹೆಮ್ಮೆಯಲ್ಲಿ ಮುಂಗುರುಳನ್ನು ಬೆರಳ ಸಂಧಿಗೆ ಸಿಕ್ಕಿಸೋ ಹೊಸ ಖಯಾಲಿ ಶುರು ಮಾಡಿದ್ದಳು
ಅದೇನೋ ಹೊಡೆತದ ಸದ್ಧು ಕೇಳೊತ್ತೆಂದು ಏಕಾಂತಲ್ಲಿ ಹೊಟ್ಟೆಗೆ ಕಿವಿಯಾಗಿಸುವಾಗ ಪಂಚಭೂತವನ್ನು ಕಟ್ಟು ಪಾಡಿನಲ್ಲಿಡುವವಳಂತೆ ಕಂಡಿದ್ದಳು
ಅಪ್ಪನಂತೆ ಪೋಲಿ ಎನುತಾ ಸೊಂಟ ಮುಂದಾಗಿಸುವಾಗ ಹೆಣ್ತನದ ಭರಪೂರ ಸುಖ ಮೊಗದಲ್ಲಿ ಅಳಿಸಲಾಗದ ಕಿರು ನಗು ಹುಟ್ಟಿ ಬಿಡುತ್ತಿತ್ತು
ಸೀಮಂತದ ಶಾಸ್ತ್ರಕ್ಕಿಂತ ಹೆಚ್ಚು ಅವಳ ಬಯಕೆ ನಿಂತದ್ದು ಅವನು ಹೊಟ್ಟೆಯೊಳಗಿನ ತದ್ರೂಪಿಯೊಂದಿಗೆ ಸಂಭಾಷಣೆ ನಡೆಸಿದಾಗಲೆಲ್ಲ ನಿಲ್ಲುತ್ತಿತ್ತು
ಎಲ್ಲಾ ಪ್ರೇಮಿಗಳಂತೆ ಅವಳೂ ಹೇಳಿದ್ದಳು ನಿನಗಾಗಿ ಸಾಯಲು ಸಿದ್ದ ಅಂತೆಯೇ ತಯಾರು ಇದ್ದಲೂ ಕೂಡ
ಹೆರಲು ಹೊರಟವಳು ಜೀವ ಹೋಗಬಹುದೆಂಬ ಸಂಶಯಕ್ಕಿಂತ ಹೊಸ ಜೀವ ಬರುವ ಖುಷಿಯನ್ನೇ ಹೆಚ್ಚು ಆಸ್ವಾದಿಸುತ್ತಿದ್ದಳು
ಪಕ್ಕದಲ್ಲಿ ಇರುವ ಹೊಸ ಅಳು ಕೇಳಿದಾಗ ಬಂದ ನಗು ಅವಳಿಗೆ ಹಿಂದೆಂದೂ ಮೂಡದ್ದೇ ಆಗಿತ್ತು...
ಅವಿಜ್ಞಾನಿ
- ಅವಿಜ್ಞಾನಿ
23 Feb 2017, 12:16 pm
Download App from Playstore: