ನಿನಗಾಗಿ ಕಾದಿರುವೆ ಗೆಳೆಯ
ನಿನ್ನ ಶೀತಲ ತುಟಿಗೆ ಮುತ್ತಿಕ್ಕುವಾಸೆ ಗೆಳೆಯ
ನಿನ್ನ ನಿಶ್ಚಲ ರೂಪವ ತಬ್ಬಿ ಮುದ್ದಾಡುವಾಸೆ ಇನಿಯ
ನಿನ್ನ ಅನಂತ ತೋಳಲ್ಲಿ ಬಂಧಿಯಾಗಿ ಕರಗಲೇ?
ನಿನ್ನಲ್ಲಿ ಲೀನವಾಗಿ ಜನನ ಮರಣಾದಿಗಳಿಂದ ಮುಕ್ತಿ ಹೊಂದಲೇ?
ನಿನ್ನಯ ಚುಂಬನ ವಿದ್ಯುತ್ ಆಲಿಂಗನ
ನಿನ್ನಯ ಆಲಿಂಗನ ಹೃದಯ ಸ್ಥಂಬನ
ಓ ನೀರವ ನಿರಾಕಾರ ನಿರವಯವ ಶಕ್ತಿಯೇ
ಓ ನಿರ್ಭಾವ ನಿಸ್ತೇಜ ನಿರಂತರ ಕಪ್ಪುಕುಳಿಯೇ
ಬಾ ಎಂದು ಗೋಗರೆದರೂ ಬರಲ್ಲೊಲ್ಲೆ ನೀನು
ನಿನ್ನ ಕಂಡರೆ ಹೆದರೋಡುವವರ ಬೆನ್ನತ್ತುವೆ ನೀನು
ನಿನಗೆ ಬಡವ ಬಲ್ಲಿದರೆಂಬ ಭೇದಭಾವವಿಲ್ಲ
ಕಾಲ ದೇಶಗಳೆಂಬ ಇತಿ ಮಿತಿಗಳಿಲ್ಲ
ಯಾರಮನೆಗೆ ಯಾವರೂಪದಲ್ಲಿ ಬಂದು ವಕ್ಕರಿಸುವೆಯೊ ಬಲ್ಲವರಾರು
ನೀ ಬಂದ ದಿನವ ಎಂದೆಂದಿಗೂ ಮರೆಯರು ಯಾರು
ಕಾದಿರುವೆ ನಿನಗಾಗಿ ಎಂದಾದರೊಂದುದಿನ ಬಂದೇಬರುವೆ ಎಂದು
ಬಂದು ನನ್ನ ಕೈ ಹಿಡಿದು ಇಹಲೋಕವೆಂಬ ಕನ್ಯಾ ಸೆರೆಯಿಂದ ಮುಕ್ತಿ ನೀಡುವೆ ಎಂದು
ಇನ್ನು ಕಾಯಿಸದೆ ಸತಾಯಿಸದೆ ಬಂದುಬಿಡು ನನ್ನ ದೇಹಕೆ
ಓ ನನ್ನ ಪ್ರಿಯ ಗೆಳೆಯ ಸಾವೆ
ಹಂಸಿನಿ
- ವಿಸ್ಮಯ
02 Mar 2017, 01:18 pm
Download App from Playstore: