ನಾನೊಂದು ಹೆಣ್ಣು
ನಾ ಬರೀ ಭ್ರೂಣವಲ್ಲ
ನಿನ್ನ ಬಯಕೆಗಳ ಪೊಟರೆಯಲ್ಲಿ ಹೊತ್ತಿದ್ದ ಬೆಂಕಿಆರಿಸಲು ಗರ್ಭಕೋಶವ ಪಣಕಿಟ್ಟು ನನ್ನತನವೆಂಬ ನನ್ನನ್ನೆ ಕಳೆದುಕೊಂಡವಳು ನಾನು
ನೀ ಕೊಟ್ಟು ಬಿಟ್ಟುಹೋದ ಕೂಸಿಗೆ ತುತ್ತಿಕ್ಕಲು ಹೆಣಗಾಡಿ ಕೀಚಕರ ದಾಹಕೆ ನೀರೆರೆದು ಕೆಟ್ಟವಳೆಂಬ ಪಟ್ಟ ಹೊತ್ತುವಳು ನಾನು
ಯಾರಿಗೂ ಕಾಣದಂತೆ ದುಃಖಗಳ ಮಗುಚಿಟ್ಟು ಜೀವನದ ಜರಡಿಯಲಿ ಹನಿಗಳು ಮೂಡದಂತೆ ಎದೆಗಪ್ಪಿ ಮುತ್ತಿಟ್ಟು ಮುಸುಕಿನಲಿ ನಿಂತು ಅತ್ತವಳು ನಾನು
ಪುಟ್ಟಕೂಸು ದೊಡ್ಡದಾಗಿ ನಾನಿಂದು ಬೇಡವಾಗಿ ಮುಪ್ಪಿನಲಿ ಮಗನ ನೆನೆದು ಅತ್ತು ಕಣ್ಣೀರಿಟ್ಟು ಜೀವನದ ಪಯಣವ ಮುಗಿಸಿ ಎಲ್ಲರನು ಕ್ಷಮಿಸಿ ಹೊರಟವಳು ನಾನು
ನನ್ನ ಗರ್ಭದಲ್ಲೆ ನನ್ನ ಉಳಿಸಿಕೊಳ್ಳಲು ಸೋತು ಸತ್ತವಳು ನಾನು
ಹೌದು ನಾ ಬರಿ ಭ್ರೂಣವಲ್ಲ ನಾನೊಂದು ಹೆಣ್ಣು
-ಹಂಸಿನಿ
- ವಿಸ್ಮಯ
08 Mar 2017, 09:30 am
Download App from Playstore: