ಜಾತಿ
ಎಲ್ಲಿದೆ ಜಾತಿ ತಿನ್ನುವ ಅನ್ನಕ್ಕಿಲ್ಲದ ಜಾತಿ...
ಕುಡಿಯುವ ನೀರಿಗಿಲ್ಲದ ಜಾತಿ...
ಉಸಿರು ನೀಡುವ ಗಾಳಿಗಿಲ್ಲದ ಜಾತಿ...
ಸುಡುವ ಬೆಂಕಿಗಿಲ್ಲದ ಜಾತಿ...
ಉಡುವ ಬಟ್ಟೆಗಿಲ್ಲದ ಜಾತಿ...
ನೀಡುವ ಕೈಗಳಿಗಿಲ್ಲದ ಜಾತಿ...
ಪ್ರಾಣಿ ಪಕ್ಷಿಗಳಿಗಿಲ್ಲದ ಜಾತಿ...
ತಿನ್ನುವ ಅನ್ನಕ್ಕೆ ಕೇಳುವೀರಾ ಯಾವ ಜಾತಿಯ ರೈತ ಬೆಳೆದಿರುವನೆಂದು
ಬೀಸುವ ಗಾಳಿಗೆ ಕೇಳುವೀರಾ ನಿನ್ನದು ಯಾವ ಜಾತಿ ಎಂದು
ಕುಡಿಯುವ ನೀರಿಗೆ ಕೇಳುವೀರಾ ನಿನ್ನದು ಯಾವ ಜಾತಿ ಎಂದು
ಉಡುವ ಬಟ್ಟೆಗೆ ಕೇಳುವೀರಾ ನೀನು ಯಾವ ಜಾತಿಯ ಕಾರ್ಮಿಕನ ಕಲೆ ಎಂದು
ಹಸಿವು ನೀಗಿದರೆ ಸಾಕು...
ದಾಹ ತೀರಿದರೆ ಸಾಕು...
ಮಾನ ಮುಚ್ಚಿದರೆ ಸಾಕು...
ಕಷ್ಟಕ್ಕೆ ದಾರಿ ಸಿಕ್ಕರೆ ಸಾಕು...
ಬೆಚ್ಚಗಿದ್ದರೆ ಸಾಕು...
ಮತ್ತೇಕೆ ನಮಗೆ ಜಾತಿ ಎಂಬ ಪದ ಬೇಕು?
- ಮೈನುಸಾಬ
08 Mar 2017, 11:11 am
Download App from Playstore: