ನನ್ನಾಕೆ
ನನ್ನಾಕೆ, ಬರೀ ಒಂದು ಹೆಣ್ಣಲ್ಲ,
ಗಂಡನಿಗೆ ಬರೀ ತನ್ನ ತನು-ಮನವನು ಅರ್ಪಿಸಿಕೊಂಡ ದಾನಿಯಲ್ಲ,
ಬಾವ- ಭಾವನೆ ಇಲ್ಲದ ಕಲ್ಲು ಬಂಡೆಯಲ್ಲ,
ಸಂಸ್ಕೃತಿ - ವಿಕೃತಿ ತಿಳಿಯದ ಜಾಡಲ್ಲ,
ಸಂಸಾರದೊಳಗಣ ಸಾರ ತಿಳಿಯದಿರುವ ಗೂಡಲ್ಲ,
ನನ್ನಾಕೆಯು ಹೊಸ ಮನೆ, ಹೊಸ ಜನರ,
ಹೊಸ ಜೀವನ ಆರಿಸಿ ಅನುಸರಿಸ ಹೊರಟವಳು. ಕಾಲ, ಪ್ರಕೃತಿ, ತನ್ನ್ಮನೆಯವರ ಆದ್ಯತೆ-ಆಶಯಗಳಿಗೆ ತನ್ನನ್ನೇ ತಾನು ಪುನರ್ ರೂಪಿಸ ಹೊರಟವಳು,
ಗಂಡನ ಮನೆ ಕಪ್ಪು ಬಿಳುಪಿನ ಬಣ್ಣದ ಮನಗಳಿಗೆ ವೈವಿದ್ಯಮಯ ರಂಗು ಕೊಡಲೊರಟವಳು, ಗಂಡನ ಹುಸಿ ಮುನಿಸಿಗೆ ಸಿಹಿ ಮುತ್ತು ನೀಡಿ ತನಿಸುವವಳು,
ತಾನು ಸೋತು ಗಂಡನನ್ನ ಜಯಿಸಿದವಳು,
ಹೊಟ್ಟೆಯಲಿ ಪುಟ್ಟ ಮಗುವಿನ ಆಕೃತಿ ಮೂಡಿದಾಗ ಹೆಣ್ತನದ ವೈಶಿಷ್ಟ್ಯತೆ ಸಾರಿದವಳು,
ಕೂಸು ಹೆರುವ ಘಳಿಗೆಯಲಿ ಸತ್ತು ಹುಟ್ಟಿದವಳು,
ಗಂಡ - ಮಗುವಿನ ಏಳಿಗೆಯಲಿ ಮನಸಾರೆ ನಕ್ಕವಳು.
ನನ್ನಾಕೆ ಸೋತು ಗೆದ್ದವಳು..
ಬಾ.ಸಂ.ಪಾ..
- ಅಭಿರಾಮ್
11 Mar 2017, 09:52 am
Download App from Playstore: