ಹಲ್ಕಾ ಕವನ
ಈವರೆಗೆ ಅಮಾಯಕನಾಗಿದ್ದ ನನ್ನನ್ನು ಛೇದಿಸಿ ಬಿಟ್ಟ ಅಮಾನುಷ ವಾರ್ತೆ ಅವಳೊಂದಿಗೆ ಕಳೆದೊದದ್ದು ಎಂದೇಳುವಾಗ ನನ್ನ ವಯಸ್ಸಿನ ಪರಿಧಿಯು ಒಂದು ಹೆಜ್ಜೆ ಮುಂದಿಡುತ್ತದೆ
ಲೆಕ್ಕ ತಪ್ಪಿದ ಅಲೆಗಳ ಎಣಿಕೆ ಶುರು ಮಾಡಿದ ತರುವಾಯ ಅವಳೊಂದು ಕಡಲು ನನ್ನೊಳಗೆ
ಯಥಾಪ್ರಕಾರ ಕನಸಿನ ರಂಗಿನಾಟಕ್ಕೆ ಮುಹೂರ್ತವಿಟ್ಟು ಗತಿಸಿದ ಒಲವನ್ನು ಜೀವಂತವಿರಿಸುವ ಹಟಗಾತಿ..
ಗಾಳಿಗೆ ಸೋತ ಮೋಡದ ಭುಜಬಲದಂತೆ ಅವಳು ಎದೆಯೂರಿನಲ್ಲಿ
ತಾಕಲಾಟಕ್ಕೆ ಎಡೆ ಮಾಡಿಕೊಡುವಾಗ ಇನ್ನೂ ವಿಚಲಿತಗೊಳಿಸುವ ಉಮೇದಿನವಳು
ಕನಸಿಗೆ ಸೋಲಬಾರದೆಂದರೆ ನಿದ್ರಾದೇವಿಯೂ ಮುನಿಸಿಕೊಂಡಿದ್ದಾಳೆ..
ಅವಳ ನೆನಪಗಳು ವಂಚಿಸಿದ ರಾತ್ರಿಗಳೆಲ್ಲವೂ ಕನಸಿಗೆ ರಜೆ ಕೊಡುತ್ತಿತ್ತು
ಹಾಸು ಬೆನ್ನಿಗೆ ಎದೆಗೀರಿನ ಚಿತ್ರಣ ಕೊಡದ ನನ್ನ ಅಲ್ಪಾಯುಷಿ ಬಯಕೆಯೊಂದು ಸೋಲಬಾರದೆಂಬ ನಿಲುವಿನಲ್ಲಿದೆ
ಮುಗಿಲೂರಿನವಳು ಇಷ್ಟಕ್ಕೆ ಒಲವಿನ ಮಗ್ಗುಲು ಬದಲಾಯಿಸುತ್ತಾಳೆ
ಅವಳ ಒಲವೆಂದರೆ ಮರೀಚಿಕೆಯನ್ನೋದು ಪ್ರತಿಬಾರಿ ಸೋಲುವವನಿಗೆ ತಿಳಿದ ವಿಚಾರವೇ ಆಗಿದೆ
ಇಂತಿಷ್ಟು ಕಾಲಾವಧಿಯ ಪ್ರಣಯ ವಿನಿಮಯಕ್ಕೆ ಒಲವೆಂದು ಹೆಸರಿಟ್ಟಿದ್ದಾಳೆ ಅವಳು..
-ಅವಿಜ್ಞಾನಿ
- ಅವಿಜ್ಞಾನಿ
14 Mar 2017, 08:03 am
Download App from Playstore: