ಯುದ್ಧ ನಡೆದಾಗ!?
ಹುಟ್ಟು ಹಬ್ಬಕ್ಕೆ ಬರುವ
ಅಪ್ಪನ ಗೊಂಬೆಗೆ
ಮಗಳು ಕಾಯುತ್ತಿದ್ದಾಳೆ..!
**
ಅವನಲ್ಲಿ ದಿನಾಲೂ ಚಳಿಗೆ
ಮೈಯೊಡ್ಡಿ ರಕ್ತದ ಚಲನೆಯಲ್ಲಿ
ಏರುಪೇರಾಗಿದೆ ಈಗ ಯುದ್ಧ
ಕಿಟ್ ಜೋಡಿಸುತ್ತಿದ್ದಾನೆ..!
**
ಯುದ್ಧ ಭೂಮಿಯ ಇರುವೆಗಳು
ಪಲಾಯನ ಮಾಡುತ್ತಿವೆ
ಶ್ಶ್!!!ಯುದ್ಧ ನಡೆಯುವಾಗ
ಮನುಷ್ಯರ ಕಣ್ಣು ನೆತ್ತಿಯಲ್ಲಿ
ಹೃದಯ ಬಂದೂಕಿನ ತುದಿಯಲ್ಲಿ
ಎನ್ನುತಿದೆ ಮುದಿ ಇರುವೆ..!
**
ರಣಹದ್ಧುಗಳು ಸಂಗಡಿಗರಿಗೆ
ಆಮಂತ್ರಣ ಕೊಟ್ಟು ಬಂದಿದೆ
ಇನ್ನೆರಡು ದಿನದಲ್ಲಿ
ಭೂರಿ ಭೋಜನ ವ್ಯವಸ್ಥೆಯಿದೆ
ಗಿಡಿರಾಜನ ಅಂಬೋಣ..!!
**
ಹಸಿರೆಲೆಗಳು ಯಾಕೋ ಸುಖಾ
ಸುಮ್ಮನೇ ಉದರುತ್ತಿದೆ
ಹಸಿರೆಂದರೆ ಸಮಾಧಾನವಂತೆ.!!
***
ಯುದ್ಧ ನಡೆಯಿತು,ನಡೀತಿದೆ
ನಡೆಯುತ್ತದೆ,ಗಳಿಸಿದ್ದು
ಯೋಧನಿಗೆ ಹುತಾತ್ಮ ಬಿರುದು
ಮುತ್ತೈದೆಗೆ ವಿಧವೆ
ಮಗಳಿಗೆ ಅನಾಥೆ...!!!
ಅವಿಜ್ಞಾನಿ
- ಅವಿಜ್ಞಾನಿ
15 Mar 2017, 07:57 pm
Download App from Playstore: