ಓ ಮಳೆಯೇ
ಓ ಮಳೆಯೇ ಇಳಿದು ಬಾ ಭುವಿಗೆ
ಭೂಮಿಗೆ ಬಂದು ಅವತರಿಸಿ ಸದಾ ಹರಿಸು ಜೇನಿನಾ ಹೊಳೆ.
ಓ ಮಳೆಯೇ.........
ನೆಲದೊಳಗೆ ನೇಗಿಲಯೋಗಿಯ ಕಣ್ಣೊಳಗೆ
ಬಿತ್ತಿದ ಕನಸು ಸಾವಿರಾರು
ಕೇಳದೇ ಈ ಪ್ರಾರ್ಥನೆ ನೊಂದ ಮನದಾ ಯಾಚನೆ ಇನ್ನು ಏಕೀ ಶೋಧನೆ
ಓ ಮಳೆಯೇ.........
ಒಡಲೊಳಗೆ ಹಸಿವಿನ ಮಡಿಲೊಳಗೆ ಕಣ್ಮುಚ್ಚಿದ ಕಂದನಾ ಕಣ್ತಿರೆಸುವೆಯಾ
ಕಾರ್ಮುಗಿಲಿನ ನಡುವೆ ಕೇಳಲಿ ಗುಡುಗಿನ ಗಾನ, ತುಂಬಿಹರಿಯಲೀ ಜೀವಸೆಲೆ
ಓ ಮಳೆಯೇ........
ಮಣ್ಣೊಳಗೆ ಅನ್ನವನುಬೆಳೆಸಿ ಹಸಿದ ಜೀವಸಂಕುಲವಾ ತಣಿಸಲಿ
ಸಾಲು ಗಿಡಗಳನಡುವೆ ಸಾಗಲಿ ಕೋಗಿಲೆ ಕವನ, ಸಂತಸ ಚಿಮ್ಮಲಿ ಬಾನಿಗೆ
ಓ ಮಳೆಯೇ.........
ಹಂಸಿನಿ
- ವಿಸ್ಮಯ
16 Mar 2017, 04:28 pm
Download App from Playstore: