ಹಿಂತಿರುಗಿ ಬಾ ನೀನು
ಪ್ರೀತಿಯ ಮೇಣದ ಬತ್ತಿ ಕರಗುವ ಮುನ್ನ
ಮುಗಿಲ ಹೆಗಲ ಏರಿ ಕುಳಿತೆ ನೀನು!!
ನನ್ನ ಕಣ್ಣೀರಿನ ಹನಿ ಹುಡುಕುತ್ತಿದೆ ನಿನ್ನ
ಮುಗಿಲಿಂದ ಜಾರಿ ಒಮ್ಮೆ ಎದಿರು ಬಾ ಸಾಕು!!
ಬರಡಾಗುತ್ತಲಿ ಇರುವ ಈ ಬದುಕಿನಲ್ಲಿ
ಮತ್ತೊಮ್ಮೆ ನೀ ಬಲಗಾಲಿಟ್ಟು ಒಳಗೆ ಬಾ!!
ಹಿಂದೆ ಆಗಿರುವ ತಪ್ಪು ಮತ್ತೆಂದೂ ಆಗದೆಂದು
ಭರವಸೆಯ ನೀಡಿ ನಿನ್ನ ಬರಮಾಡುತ್ತೇನೆ!!
ಮುಂಜಾವಿನ ಇಬ್ಬನಿಯಂತೆ ನೀ ಬಾ
ಬರದಿದ್ದರೆ ಸಂಜೆಯಲಿ ತುಂತುರುವಾಗಿ ಬಾ!!
ಮರುಭೂಮಿಯಲ್ಲಿ ನೀರಿನ ಹನಿಗಾಗಿ
ಅಲೆಯುತ್ತಿರುವ ಬದುಕಲ್ಲಿ ಹನಿ ನೀರಾಗು ಬಾ!!
ಚಳಿಯೇ ಇರದೇ ನನ್ನಲ್ಲಿ ಏಕೆ ಈ ನಡುಕ
ನೀನು ಇರದೇ ನಾ ಒಬ್ಬಂಟಿ ಈ ಬದುಕು ನರಕ!!
ಎದೆಯ ವಳಗೆ ಏಕಾಂತದ ಅಳಲು ಸಾಕು
ಸಂಗಾತಿ ನೀ ದಯಮಾಡಿ ಹಿಂತಿರಿಗಿ ಬಾ ಸಾಕು!!
- ಪಿ.ಜಿ.ಜ್ಯೋತಿ
18 Mar 2017, 11:26 am
Download App from Playstore: