ನಾಡ ದೇವಿಯ ಸೇವೆಗೆ ಬನ್ನಿ
||ನಾಡ ದೇವಿಯ ಸೇವೆಗೆ ಬನ್ನಿ
ನಾಡ ಗುಡಿಯ ಬೆಳಗುವೆನೆನ್ನಿ||
ಜಾತಿ ಪಂಥದ ಬೇಲಿಯ ನೀಗಿ
ಬಂಧು ಭಾವದ ತೊಟ್ಟಿಲ ತೂಗಿ
ಕಟ್ಟುವ ನಾವು ಭಾರತವ
||ನವ ಭಾರತ ನವ ಭಾರತ||
ಸೇವೆಯೆಂಬ ತೈಲವನೆರೆದು
ಸ್ವಾಭಿಮಾನದ ದೀಪವ ಉರಿದು
ಬೆಳಗುವ ನಾವು ಭಾರತವ
||ನವ ಭಾರತ ನವ ಭಾರತ||
ತ್ಯಾಗ ಭಾವದಸುಧೆಯನು ಹರಿಯುವ
ನಿಸ್ವಾರ್ಥ ಭಾವದ ಕಡಲನು ಸೇರುವ
ನಮಿಸುವ ನಾವು ಭಾರತವ
||ನವ ಭಾರತ ನವ ಭಾರತ||
ಸಾಧುಸಂತರ ತಪೋಭೂಮಿಯಿದು
ಮನುಜ ಜನ್ಮದ ಮೋಕ್ಷ ದ ಮಣ್ಣಿದು
ಸಂಘ ಮಂತ್ರವ ಮನದಲಿ ನನೆದು
ತರುಣರ ಹೃದಯದ ಗುಡಿಯನು ಬೆಳಗಿ
ಸಾರುವ ಐಕ್ಯದ ನವ ಸಂದೇಶ
||ನವ ಭಾರತ ನವ ಭಾರತ|| ||ನಾಡ ದೇವಿಯ ಸೇವೆಗೆ ಬನ್ನಿ
ನಾಡ ಗುಡಿಯ ಬೆಳಗುವೆನೆನ್ನಿ||
- ಅರುಣ್. ಕೆ. ಗಟ್ಟಿ. ಕಾಪಿಕಾಡ್
20 Mar 2017, 09:12 pm
Download App from Playstore: