ಏನೆನ್ನುವುದು ಇದಕ್ಕೆ?
ತಿರುಗಿ ತಿರುಗಿ ನೀ ನನ್ನ ನೋಡದಿದ್ದರು,
ತಿರುತಿರುಗಿ ನೀ ನನ್ನ ಆಸುಪಾಸಿನಲ್ಲೇ
ನಡೆದಾಡುತ್ತಿರುವೆ
ಏನೆನ್ನುವುದು ಇದಕ್ಕೆ?
ಮನವು ಪ್ರೀತಿ ಎಂದು ನಾಮಕರಣ ಮಾಡಿದೆ
ತಿರಸ್ಕರಿಸುವ ಧೈರ್ಯ ನನಗಿಲ್ಲ.
ನೀ ತುರುಬು ಕಟ್ಟಿ ನೋಡಿದ ನೋಟಕೆ,
ನೀ ಮುಂಗುರುಳ ಸರಿಸಿ ಮಾಡಿದ ಮೋಡಿಗೆ
ಹೃದಯವಿದು ಹುಚ್ಚೆದ್ದು ಕುಣಿದಾಡಿದೆ.
ಬಾವಿಗೆ ಬೀಳುವ ಭಯದಲ್ಲಿ ನಾನಿರುವೆ,
ಆದರೂ ಇಸಿ ಜಯಿಸಬಲ್ಲೆ ಎಂಬ
ಮೊಂಡು ಹಠವೊಂದು ನನ್ನಲ್ಲಿದೆ.
ಹೇಳಬೇಕಿಲ್ಲ ನಿನಗೆ ನಾ ವರ್ಣಿಸಿ ಈ ಕವನಗಳಲ್ಲಿ
ಕೇಳು ಗೆಳತಿ ಒಮ್ಮೆ ನನ್ನ ಮನದ ಬಡಿತ
ನೀನೇ ನಿನ್ನ ಪ್ರೀತಿಸುವಷ್ಟು ಸುಂದರವಾಗಿದೆ
ಈ ನನ್ನ ಹೃದಯದ ಸಂಗೀತ....
- MK Reddy
23 Mar 2017, 09:39 pm
Download App from Playstore: