ನಿನ್ನೊಳಗಿರುವೆ ನಾನು
ದೇವಾ ಓ ದೇವಾ ನಿನ್ನ ಕಾಣಬಯಸುವೆ ಆ ಸರ್ವ ಶಕ್ತಿಯ
ದಯಮಾಡಿ ಕಣ್ತೆರೆಯಿಸು ಕಾಪಾಡು ನನ್ನನು
ಕರುಣಾಳು ಬಂಧುವೆ ಕಾರುಣ್ಯ ಸಿಂಧುವೆ...ಭಕ್ತ
ಗುಡಿಯಲಿಂದು ಪೂಜೆ ಮಾಡಿ
ಮಸೀದಿಯಲ್ಲೂ ನಮಾಜು ಮಾಡಿ
ಚರ್ಚಿನಲ್ಲಿ ಪ್ರಾರ್ಥಿಸಿ ನಿನಗಾಗಿ ಕಾಯುವೆ
ನಿನ್ನನೆ ಭಜಿಸುವೆ...ಭಕ್ತ
ನಿನ್ನ ಪ್ರಾರ್ಥನೆಯ ಎಲ್ಲ ಮೂಲ ಒಂದೆ
ನಿನ್ನ ಭಕ್ತಿ ಭಾವದಲ್ಲಿ ತುಂಬಿರಲಿ ನಿಸ್ವಾರ್ಥವು
ಅದುವೆ ನನಗೆ ಸಲ್ಲುವ ಮೊದಲ ಭಕ್ತಿ ಕಾಣಿಕೆ...ದೇವರು
ಅನುದಿನವು ನಿನ್ನ ಜಪಿಸುವೆ ಹರಿಯುವ ಜರಿಯಂತೆ
ಕಾಣದು ಇನ್ನಿಂದು ನಿನ್ನಯ ಆ ರೂಪವೂ
ಬದುಕಿದರೇನರ್ಥವು ಈ ನನ್ನ ಜನ್ಮವು...ಭಕ್ತ
ನಿನ್ನ ಕಾಯಕವೆ ಸ್ವರ್ಗದ ದಾರಿಯು ಅದರಲಿ ತೋರು ನೀ ಪ್ರಾಮಾಣಿಕತೆಯ
ಶ್ರದ್ಧೆಯ ಶಕ್ತಿಯು ಶುಭವೆ ನಿನಗದು
ಮರೆಯದಿರು ನೀ ನಿನ್ನ ಕಾಯಕವ...ದೇವರು
ಯಾವ ಧರ್ಮವು ಯಾವ ಕರ್ಮವು
ನಿನ್ನ ನೋಡಲು ನಾ ಪಾಲಿಸ ಬಯಸಲಿ
ಭವಬಂಧನದಲಿ ಮುಕ್ತಿಯ ಪಡೆಯಲು ಮಾರ್ಗವ ತೋರಿಸು ಸಾರ್ಥಕಗೊಳಿಸು ನನ್ನ ...ಭಕ್ತ
ನೀ ಕರೆಯುವ ಎಲ್ಲ ನಾಮವು ಒಂದೆ ನನಗೆ
ಜಾತಿ ಕುಲಗಳ ಬಣ್ಣವು ಇಲ್ಲ ನನಗೆ
ಮಾನವತೆಯ ಸಾರುವ ಸಂಕೇತವೆ ಧರ್ಮವು ನನಗೆ
ನಿನ್ನಲಿ ಇರುವೆ ನಾ ಎಲ್ಲೆಲ್ಲು ತುಂಬಿಹೆ ನಾ
ಬಡವ ಬಲ್ಲಿದ ಅರಿತುಕೊ ಗುಣದಲಿ ಬರದು ಧನಕನಕ ನಿನ್ನ ಕೊನೆ ಕ್ಷಣದಲಿ...ದೇವರು
ಧನ್ಯನಾದೆನು ಧನಿಕನಾದೆನು ನೀ ತೋರಿದ ದಾರಿಯ
ನಾನಿನ್ನು ಮೀರೆನು
ಕತ್ತಲೆ ಕಳೆಯಿತು ನನ್ನ ಮತಿ ಬೆಳಗಿತು
ಅರಿವಾಯಿತು ನನಗೆ ಬದುಕಿನ ಸಾರವು
ಎಲ್ಲೆಲ್ಲೂ ಹರಡುವೆ ಪ್ರಿತಿಯ ಪುಷ್ಪವ
ಎಲ್ಲವೂ ಗೆಲ್ಲುವೆ ಪ್ರೇಮದಿ ಈ ಜಗವ...ಭಕ್ತ
- Irayya Mathad
24 Mar 2017, 05:57 pm
Download App from Playstore: