ಬೇಗುದಿ
ನಾವು ನಾವಾಗಲೇ ಇಲ್ಲ
ಜೀವಜಗದ ಪರಿಧಿಯೊಳಗೆ
ಸರಕು ಸಂಸ್ಕೃತಿಗೆ ಒಡ್ಡಿಕೊಂಡು
ಕಂಡಕಂಡಲ್ಲೆಲ್ಲ ಬೊಗಸೆಯೊಡ್ಡಿ ನಿಂತಿದ್ದೇವೆ
ಬೈ ಒನ್ ಗೆಟ್ ಒನ್್ ಆಗಿದ್ದೇವೆ...
ನಮ್ಮವು ಒರಟಾದ ಕೈಗಳು
ಹಾಗೆ ಉಳಿದಿವೆ ಸುಕ್ಕುಗಟ್ಟಿದ ಚರ್ಮ
ಅವು ದಬ್ಬಾಳಿಕೆಗೆ ಅಂಜಿ
ಬೂಟು ನೆಕ್ಕಿವೆ;
ಒಳಗಿನ ಬೇಗುದಿಯನ್ನೂ ಸಹಿಸಿ
ನಕ್ಕು ಸುಮ್ಮನಾಗಿವೆ
ಸುಟ್ಟೇಬಿಟ್ಟರು ನಮ್ಮತನವ
ಥೇಟು ಪರಂಗಿಗಳಂತೆ!
ನಮ್ಮಲ್ಲಿಯೇ ಇರುವರು
ಬೆನ್ನ ಹಿಂದೆಯೇ ನಿಂತು
ಈಗ ಮುಂದಿದ್ದಾರೆ ಅವರು
ನಮ್ಮದೇ ನೆಲ
ನಮ್ಮದೇ ಗಾಳಿ
ನಮ್ಮದೇ ಅನ್ನ
ನಮ್ಮದೇ ಉಸಿರು
ಕಸಿದುಕೊಂಡು
ಕೊಳ್ಳುವವರ ಸಾಲಿನಲ್ಲಿ
ನಾವಿದ್ದೇವೆ
ನಮ್ಮತನವ ಮಾರಿಕೊಂಡು...
ಈಗಿಲ್ಲಿ ನಿತ್ಯಸಂತೆ
ಹರಾಜಿಗಿಟ್ಟ ಪಶುಗಳು ನಾವು
- ram purshi
30 Mar 2017, 08:55 pm
Download App from Playstore: