ಬಿಗಿದ ನೇಣುಕುಣಿಕೆಯಲಿ...
ಸಂಭ್ರಮಗಳ ನಡುವೆ
ಹೀಗೆ ಬಂಧಿಸಿಡು
ಬಿಗಿಯಾದ ನೇಣಿನಕುಣಿಯಲಿ
ಹಾಗೆ ಉಸಿರುಗಟ್ಟಲಿ
ನೋಡುವ ಕಣ್ಣಗಳಲಿ ಹನಿಯೊಡೆಯಲಿ
ಕೈಕಾಲುಗಳು ಜೋತು
ಬೀಳಲಿ
ನಿಶಕ್ತಿ, ನಿಶ್ಯಬ್ಧ ತಂಗಾಳಿ
ಸೇರಲಿ
ಇಲ್ಲೇ ಇಲ್ಲೇ ನೋವುಂಡವರ ತಾಪ
ಬಸಿದು ಬೆರೆತು
ಹಸಿದ ಒಡಲಲಿ
ಬೇಯುತ್ತಿದೆ
ಕಾಣದ ದೇವರಿಗೂ ಹನಿ ಬೆವರಿನ ನೈವೇದ್ಯವಿತ್ತೂ
ನಿಲ್ಲಿ, ಸಂ'ಭ್ರಮಿ'ಸಿ
ಉಸಿರು ತನ್ನತಾನೆ
ನೀಗುತಿದೆ
ನನ್ನ ಬೀಗಿ ಹಿಡಿದಿರುವುದು
ನೇಣಿನ ಕುಣಿಕೆಯಲ್ಲ
ಸ್ವಾತಂತ್ರ್ಯದ ಚಹರೆಗಳವು
ಪಹರೆಗೆ ನಿಂತ
ನಿಮ್ಮನುಮನಗಳ ಅಂತೆಕಂತೆಗಳಿಗೆ...
ಮತ್ತೆ ಹುಟ್ಟಿಬರುವೆನೆಂಬ
ಭ್ರಮೆಗಳ ಕಳಚಿ
ಹಕ್ಕಿಗಿಲ್ಲದ, ಗಾಳಿಗಿಲ್ಲದ
ಬೆಳಕಿಗಿಲ್ಲದ...
ಧರ್ಮದೆಲ್ಲೆಗಳ, ಕುಬ್ಜ ಜಾತಿಗಳ ಮೀರಿ
ಕಪ್ಪುಬಣ್ಣವ ಹಾಸಿ
ಮಲಗುತ್ತೇನೆ...
ತಂತಾನೆ ಬೇರೆಯುವೆ ಈ ಜಗದೊಳಗೆ ಬಿಗಿದ ನೇಣಿನ ಕುಣಿಕೆಯಲಿ...
- ram purshi
01 Apr 2017, 01:29 pm
Download App from Playstore: