ಬಾಳೊಂದು ಗೋಳು... ನೂರಾರು ಸೋಲು...
ಬಾಳೊಂದು ಗೋಳು ನೂರಾರು ಸೋಲು
ಸೋತೆನೆಂದು ನೊಂದರೆ ಬೆಳಗದು ನಿನ್ನ ಬಾಳು
ಗೆದ್ದೆನೆಂದು ಗರ್ವಿಸಿದರೆ ಆಗುವುದು ಹಾಳು
ಓ ನನ್ನ ಮನವೇ ಕೇಳು ಪ್ರೀತಿಗಾಗೆ ಪ್ರತಿಜನ್ಮ ನೀ ತಾಳು||ಪ||
ಅನ್ಯರು ಏನೆಂದರೂ ನಿನ್ನ ಮನವೇ ನೊಂದರೂ
ಕೊನೆಗೆ ನಿನ್ನೇ ಕೊಂದರೂ ಪ್ರೀತಿಯ ಮರೆಬೇಡ ನೀತಿಯ ಬಿಡಬೇಡ| ದಿಕ್ಕಿಲ್ಲದೆ ಸಾಗುವ ಪಯಣ ಗುರಿಯೆಂದು ತಲುಪದು ಉತ್ತಮ ಗುರಿಯೆಡೆಗೆ ಸಾಗಲಿ ಜೀವನ ಗುರಿಯಿಂದ ಜನ್ಮ ಆಗುವುದು ಪಾವನ| ಮನಸ್ಸಿದ್ದರೆ ಕಲ್ಲುಕೂಡಾ ಕರುಗುವುದು ಕೃಷಿ ಇದ್ದರೆ ಶಿಲೆಕೂಡ ಶಿಲ್ಪವಾಗುವುದು| ಆಸೆಯ ಬಿಡು ನೀ ಆಶಯ ಕೈ ಹಿಡಿ ಸಾಧನೆಯ ಮೆಟ್ಟಿಲು ಹತ್ತಿ ಎಲ್ಲರ ಪ್ರೀತಿಯ ಪಡಿ||೧||
ಶತ್ರುಗಳು ಯಾರು ಇಲ್ಲ ನಮಗೆ ನಾವೇ ಕತೃಗಳು ಯಾರೋ ಕಲ್ಲು ಎಸೆದರೆಂದೂ ಅವ ನೀ ದ್ವೇಷಿಸಬೇಡ ಅವನೆಸೆದ ಕಲ್ಲೆ ನಿನ್ನ ಸಾಧನೆಯ ಮೆಟ್ಟಿಲು ಎಂಬುದನ್ನು ಮರೆಯಬೇಡ| ಜೀವನವ ಚಿಂತಿಸಬೇಡ ಬೆನ್ನೇ ತೋರದೆ ಮುನ್ನುಗ್ಗುತ್ತಿದ್ದರೆ ಸೋಲೇ ನಿನಗಿಲ್ಲ ನೀ ಇಟ್ಟ ಪ್ರತಿ ಹೆಜ್ಜೆ ಗೆಜ್ಜೆ ಸದ್ದಾಗಿ ಮನವ ಕದಿಯುವುದು|ಕಾರ್ಯವಿದ್ದರೆ ಕನಸ್ಸು ಕೂಡ ನನಸ್ಸಾಗುವುದು ಕೈ ಹಾಕಿದರೆ ಕಸ ಕೂಡ ರಸವಾಗುವುದು| ನೆನ್ನೆಯ ನೆನ್ನೆಗೆ ಮರೆತು ಬಿಡು ನಾಳೆಯೆಂದು ತಿಳಿಯದ ನಮಗೆ ಈ ಕ್ಷಣವೇ ನೀ ಬದಲಾಗಿ ಕಾರ್ಯಪ್ರವೃತ್ತನಾಗು||೨||
- ಕೆ.ಕೆ.ನಂದಾದೀಪ್(ಕೋಲಾರದ ಕಂದ)
02 Apr 2017, 12:23 pm
Download App from Playstore: