ಕಪ್ಪು ಹುಡುಗನ ತುಟಿ
ಬೆಳದಿಂಗಳು ಕತ್ತಲ ನುಂಗುವಾಗ
ಕಪ್ಪು ಕೊಡೆಯ ಮಳೆಯ
ಮುತ್ತುತ್ತವೆ ನನ್ನೊಳಗಿನ
ಇಶ್ಕ್ ನ ರುಜುವಾತಿಸಲು
ಮುಂಗುರಳ ಸರಿಸಿ
ಮುತ್ತಿಟ್ಟದ್ದೇ ಆಗಿದೆ ಹುಡುಗಿ
ಜಡೆ ಮಳೆಗೆ ಪ್ರಣಯದ
ಬಿಸಿ ಏರಲು ನಿನ್ನ
ಸನಿಹ ಬೆಚ್ಚಗಿರಿಸುತ್ತದೆ
ವಯಸ್ಸಿನ ಏಕಾಂತವೂ ದೂರ
ನಿಲ್ಲುವುದೂ ಆಗಲೇ
ಅರ್ಧ ಚಂದ್ರಾಕೃತಿಯ ನೆತ್ತಿ
ಚುಂಬಿಸಲು ಕಪ್ಪು ಹುಡುಗನ
ತುಟಿ ಬೆಳ್ಳಗಾಗುತ್ತದೆ
ಖಾಲಿ ಬೆಂಚು ವಿರಹ
ಗಾನ ಹಾಡುತಿದೆ ಟಾರು
ರೋಡು ಮಳೆಗೆ ಬೆವರಿ ಮುದುಡಿದೆ
ಗಿಡಪೊದೆಯಲ್ಲಿ ಕಾಡ ಹೂವು
ಸದ್ದಿಲ್ಲದೇ ಬಿರಿದು ವಯಸ್ಸಿಗೆ
ಬಂದಿದೆ..
-ಹಲ್ಕಟ್
ಅವಿಜ್ಞಾನಿ
- ಅವಿಜ್ಞಾನಿ
06 Apr 2017, 10:11 pm
Download App from Playstore: