ಪ್ರಶ್ನೆಯೆಂಬ ಜೀವನ
ತಾಳು ಮನವೇ ತಾಳು
ಕಾಡದಿರು ಕನಸುಗಳ ಹೊತ್ತು
ಬದುಕಿ ದು ಮರೀಚಿಕೆಯಾಗಿಹುದು ಈ ಹೊತ್ತು
ಕನಸುಗಳ ಗುಂಗಲಿ ನೀನು
ಬದುಕಿನ ಹೊಡೆದಾಟದಲ್ಲಿ ನಾನು
ಕನಸುಗಳೇ ಅಂತಿಮ ಪರ್ವವು ನಿನಗೆ
ನನಸಾಗಿಸಲಾಗದ ಸಂಕಟವು ನನಗೆ
ಕನಸುಗಳ ಸುಖವು ನಿನಗೆ
ನನಸಾಗದ ದುಃಖವು ನನಗೆ
ಇತ್ತ ನಿನ್ನ ಕನಸುಗಳೇ ದರಿಯಂತಾಗಿರಲು
ಕಾಣದವನ ಆಟವೇ ಪುಲಿಯಂತಾಗಿರಲು
ಎತ್ತ ಸಾಗಲಿ ನಾನು
ನನ್ನ ಮನವೇ ಕಂಡ ದರಿಯ ಪಾಲಾಗಲೇನು
ಎಲ್ಲ ಬಲ್ಲ ವನ ಆಟವೆಂದು ಪುಲಿಯ ಬಾಯಲಿ ಸೇರಲೇನು
ಅಂತಿಮ ಉತ್ತರವೇ ಸಿಗದ ಆಟವಿದು ಬದುಕು
ಕಂಡ ಉತ್ತರದೊಳಗೂ ಸಾವಿರ ಪ್ರಶ್ನೆಯ ತಿರುವು
ಕೊನೆಯಾಗದ ರಸಪ್ರಶ್ನೆಯ ಕಾರ್ಯಕ್ರಮ ನನ್ನೊಳಗೆಂದೂ
ಕಾಣದ ಆಟದಲಿ ಉತ್ತರವೇ ಅಂತಿಮವೆಂದರೂ
ಹೋಗುವುದಾದರು ಎಲ್ಲಿಗೆ ಕವಲೊಡೆದ ದಾರಿಯಲಿ
ಅದರ ಅಂತ್ಯವ ಬಲ್ಲವರಾರು ಇಲ್ಲಿ......
- ಶ್ರೀಕಾವ್ಯ
10 Apr 2017, 01:44 pm
Download App from Playstore: