ಬೆಳಕ ನೆರಳು
ಕತ್ತಲ ಹೊದ್ದ ರಾತ್ರಿಯಲ್ಲೊಂದು
ಮರೀಚಿಕೆ ಬಯಕೆ ಜನಿಸುತ್ತದೆ
ಎಂದೆಂದೂ ನೀ ಒಟ್ಟಿಗೆ ಇರಬೇಕು
ಮುಂಗಾರಿನ ಹನಿಯಲ್ಲೊಂದು ನಾ
ಅರಿಯದ ಕವಿತೆ ನೀ ಆಗಬೇಕು
ಒಡೆಯದ ಮೋಡವೂ ನಾಚಿ
ನೀರಾಗುವುದು ಆವಾಗಲೇ
ಅಮಾವಾಸ್ಯೆ ಕಪ್ಪಿಗೆ ಹುಣ್ಣಿಮೆ
ಮುತ್ತನೊಂದು ಆಶಿಸುವ ಹೃದಯ
ಒಡಂಬಡಿಕೆ ಮುರಿಯದ ರಾಗಿಣಿ
ರಾಗ ನೀ ಆಗಬೇಕು
ಪರವಶಳಾಗದ ಒಲವಿನ ರೆಕ್ಕೆಗೆ
ಪುಳಕ ನಾ ಕೊಡುವುದು ಅನಾಮಧೇಯ ಸತ್ಯ
ಟಾರು ದಾರಿಯ ಬೆಳಕ ನೆರಳಿಗೆ
ಇರುವೆಗಳೆರಡು ಗಸ್ತು ತಿರುಗುತ್ತದೆ
ಕೂಲಂಕುಷ ನಡೆಯ ಬಳಿಕ
ಅನಂತ ಪಯಣಕೆ ನನ್ನೊಳಗೆ
ಆವಾಹನೆ ನೀ ಅರಿಯದ ವಿಚಾರ
ಎದೆಯುಬ್ಬಿ ಹೆಸರನ್ನೊಮ್ಮೆ ಉಸುರಿ
ಬಿಡುತ್ತೇನೆ ರೋಮ ಸೆಟೆಯುವುದು
ನಾ ಕಳೆದು ಹೋದ ಸ್ಪಷ್ಟ ನಿದರ್ಶನ
ನೀ ಸೋಕದ ಬಟ್ಟೆಯನ್ನೊಮ್ಮೆ
ತದನಂತರ ಅಣುಕಿಸುತ್ತೇನೆ
ನಿನ್ನ ಹೆಸರ ನೆಪದಿಂದ ಘಮವೊಂದು
ಗಾಳಿಗೆ ಸೇರುವುದು ಗೊತ್ತಾಗದೇ
ಹಲ್ಕಾ ಕವಿತೆ
*ಅವಿಜ್ಞಾನಿ*
- ಅವಿಜ್ಞಾನಿ
13 Apr 2017, 12:02 pm
Download App from Playstore: