ಎದೆ ಗೀರು
ಜಂಟಿ ಪಾದ ಒಂದಾಗುವ ಉಮೇದಿಗೆ
ಹಿತ್ತಲ ಮೊಗ್ಗು ಬಿರಿಯುತ್ತದೆ
ಕಾಡ ದಾರಿಯಲ್ಲಿ ಏಕಾಂತ
ಸರಿಯುವುದು ಆ ಕ್ಷಣದಲ್ಲಿಯೇ
**
ಬೀಜಯೊಡೆಯುವ ಪ್ರಕ್ರಿಯೆಗೆ
ಅವಳೊಂದು ನೆಪ ಆಗುತ್ತಾಳೆ
ಬಿಂಕ ಸರಿದ ರಾತ್ರಿ
ಶುರುವಾಗವುದು ಅವಳಿಂದಲೇ
**
ಒಮ್ಮೊಮ್ಮೆ ಪುಳಕವೊಂದು
ಸರಿಯುತ್ತಿರುತ್ತದೆ
ಎದೆ ಗೀರಿನ ಅಚಾನಕ್
ತೋರ್ಪಡಿಕೆ ಬೆಚ್ಚಗಿಸಿರುವ
ಪ್ರಯತ್ನವಷ್ಟೇ
**
ಮೊದಲ ಮಳೆಗೂ ಮೊದಲಿನ
ಹನಿಯವಳು
ಮೂಡಿದ ವಿಷಯ ತಿಳಿಯದ
ವಿಚಾರ ನನ್ನೊಳಗೆ..
**
ಮುಂದಿನ ಎಲ್ಲಾ ಪ್ರಮಾದಗಳಿಗೆ
ಅಧಿಕೃತ ಹೊಣೆಗಾರ್ತಿ
ಜಾಮೀನು ರಹಿತ ಸಜೆಗೂ
ಒಡಂಬಡಿಕೆ ಮಾಡುವುದೇ
ಒಪ್ಪಂದಗಳಿರದ ವಿಶೇಷಣಗಳು
-ಹೊಸತು ಸಾಲುಗಳು
#ಅವಿಜ್ಞಾನಿ
- ಅವಿಜ್ಞಾನಿ
13 Apr 2017, 08:41 pm
Download App from Playstore: