ವಿಷತನ
ಕಾಳಿಂಗದ ಸಂಗವ ಮಾಡಿ
ಮೈಯೆಲ್ಲ ವಿಷವಾಗಿ
ಒಳಿತನ್ನು ನಾಶ ಮಾಡುವ ಬದಲು
ಕೊಂದುಬಿಡು ನಿನ್ನ ವಿಷತನವ!!
ಹಾಲನ್ನೇ ಉಂಡರೂ
ಹಾಲಾಹಲವ ಕಕ್ಕುವ ಆ
ದುಷ್ಟ ಹಾವಿನ ಗೆಳೆತನವದೂ
ಸಲ್ಲದೂ ನಿನಗೆ!!
ಕೆಟ್ಟ ಯೋಚನೆಯಲಿ
ಹೊಂಚು ಹಾಕಿ ನೀ ಕಬಳಿಸಿದರೆ
ಆ ಭಾಗ್ಯ ಅದೆಷ್ಟು ದಿನ
ನಿನ್ನ ಹಿಂಬಾಲಿಸಿ ಬರುವುದು!!
ನುಡಿಯಲಿ ಸತ್ಯವಿರಲಿ
ನಡತೆಯು ಶ್ರೇಷ್ಠವಾಗಿ ಇರಲಿ
ಎಲ್ಲರೂ ಮೆಚ್ಚುವ ಕಾಯಕವ ನೀ
ಮಾಡಿದರೆ ಕರಗುವುದು ನಿನ್ನ ವಿಷತನ!!
- ಪಿ.ಜಿ.ಜ್ಯೋತಿ
14 Apr 2017, 11:02 am
Download App from Playstore: