ಹಕ್ಕಿ
ಮುಗಿಲ ಎತ್ತರಕ್ಕೆ
ಹಾರುವುದು ಹಕ್ಕಿ
ತಾ ರೆಕ್ಕೆ ಬಿಚ್ಚಿ ಬಡಿದು!!
ಗಿಡ ಮರದಿ ನಲಿದು
ಊರೂರು ಅಲೆದು
ಹಾರಾಡುತಿಹುದು ಹಕ್ಕಿ!!
ಈ ಗಾಳಿಯಲ್ಲಿ
ತಾ ತೇಲಿ ತೇಲಿ
ಹಾರುವುದು ಪುಟ್ಟ ಹಕ್ಕಿ!!
ಹಸಿರೆಲೆಯ ನಡುವೆ
ಆ ಕೊಂಬೆಯಲ್ಲಿ
ಜೀಗುವುದು ಗೂಡು ಕಟ್ಟಿ!!
ಹೂ ಹಣ್ಣ ಜೊತೆಗೆ
ಗೆಳೆತನವ ಬೆಸೆದು
ಸವಿಯುವುದು ಅದರ ರುಚಿಯ!!
ಆ ಕೊಂಬೆಯಿಂದ
ಈ ಕೊಂಬೆ ಸುತ್ತಿ
ನಲಿಯುವುದು ಅದು ಬಹಳ!!
ಇರುಳಲ್ಲಿ ಮಿನುಗುವ
ಆ ಚುಕ್ಕಿಯನ್ನು
ಸೇರುವ ಬಯಕೆಯು ಅದಕೆ!!
ಹಗಲೆಲ್ಲ ಅಲೆದು
ಆ ಚುಕ್ಕಿ ಸಿಗದೇ
ಮರಳುವುದು ಗುಡಿನೆಡೆಗೆ!!
- ಪಿ.ಜಿ.ಜ್ಯೋತಿ
14 Apr 2017, 11:24 am
Download App from Playstore: