ಹೆಣ್ಣು
ನನ್ನ ತಾಯಿ ಕಣ್ಣೊರೆಸುತ್ತ
ಮೂಲೆ ಸೇರಿದಳು
ನಿನಗೆ ಹೆಣ್ಣಾಯಿತೆ ಎಂದು....
ನನ್ನಕ್ಕನ ಮೊಗದಲ್ಲಿ ಮಂದಹಾಸ
ಮರೆಯಾಗಿ,ಮೌನ ಆವರಿಸಿತು
ನಿನಗೆ ಮಗಳಾದಳೆ ಎಂದು....
ಹೇಗೊ ಇದ್ದ ನನ್ನ ಅಂತರಂಗ
ನನ್ನ ಅಣಕಿಸಿ ಹೇಳಿತು
ನೀ ಹಡೆದವಳು ಹೆಣ್ಣೆಂದು....
ಬಂಧು- ಬಳಗದವರಲ್ಲಿ
ಬಲವಂತದ ಹುಸಿ ನಗು
ನನ್ನ ಮಗಳ ಬರಮಾಡುವಲ್ಲಿ....
ಕೈ- ತುತ್ತ ಕೊಟ್ಟು ಆಡಿಸಿ ಬೆಳೆಸಲು
ಅವ್ವನ ಆಸರೆ ಬಯಸುವರು
ನೋವು- ನಲಿವಲಿ ಒಂದಾಗಿ
ಬಾಳು ಬೆಳಗಲು ಮಡದಿಯಾಸರೆ ಬಯಸುವರು
ಜನುಮ ಕೊಟ್ಟ ಮಗಳನು ಬೇಡವೆನುವರು?
ಮೌನ ಮುರಿದು ಬೆಳೆಸುವರು ಮಗಳನು
ಮಗನಿಗಂತ ಹೆಚ್ಚು ಎಚ್ಚರಿಕೆಯಲಿ
ಏನಾಗುವುದೋ, ಎಂಬ ಭಯದಲಿ
ಒಂದು ದಿನ ಸೇರುವಳು ಅನ್ಯರ ಅಂಗಳನು
ಎಲ್ಲೊ- ಹುಟ್ಟಿ,ಎಲ್ಲೊ- ಹರಿದು
ಎಲ್ಲೊ- ಸೇರುವ ನದಿಯಂತೆ
ಹುಟ್ಟಿದ- ಮೆಟ್ಟಿದ ಮನೆಗು
ಬೆಳಕಾಗಿ ಕರಗುವಳು ಮೇಣದಂತೆ
ಶಾರಧ
- ಶಕುಂತಲಾ
17 Apr 2017, 10:23 am
Download App from Playstore: