ಅಂದಗಾತಿ
ಅಂಗದಲ್ಲಿ ಅಡಗಿದೆ ಅಂದ
ಅಂದಗಾತಿ ನೀ ಬಲು ಚೆಂದ!!
ಕಂಡು ನಿನ್ನ ಈ ಬಿನ್ನಾಣ
ಶಿರ ಬಾಗಿತು ಹೂವಿನ ಬಾಣ!!
ಮನಸೋತನೇ ಆ ದೇವ ಮದನ
ಕಂಡು ನಿನ್ನಯ ಮೋಹಕ ವದನ!!
ನುಡಿಯಲು ನೀ ಮಾದಕ ನುಡಿಯ
ಸರಿಸಿದ ಆ ಸಾಗರ ತೆರೆಯ!!
ನಿನ್ನ ತನುವ ಬೆವರ ಅಳಿಸಲು
ಸುರಿದನು ಆ ಮೇಘ ಮಳೆಯನು!!
ನೆನೆದ ನಿನ್ನ ತೇವ ಕಳೆಯಲು
ಚೆಲ್ಲಿದ ಆ ಸೂರ್ಯ ಕಿರಣವ!!
ನಿನ್ನ ಕಂಡ ಇಂದ್ರ ಚಂದ್ರರು
ತಪವಗೈದರು ನಿನ್ನ ಪಡೆಯಲು!!
ನಿನ್ನ ತನುವನು ಒಮ್ಮೆ ಸೋಕಲು
ಹೊತ್ತು ಬಂದನು ವಾಯು ತಂಪನು!!
ನಿನ್ನ ಅಂದಕೆ ಸೋಲದೇ ಇರುವ
ಪುರುಷನಿಲ್ಲ ಚಂದ ಚೆಲುವೆಯೇ!!
ನನ್ನ ಕಾಡಿದ ಸ್ವಪ್ನ ಸುಂದರಿ
ಬೆಳಗ ಬಂದೆಯಾ ನನ್ನ ಬದುಕನು!!
- ಪಿ.ಜಿ.ಜ್ಯೋತಿ
18 Apr 2017, 08:10 am
Download App from Playstore: