ಚೆಲುವಿನ ಹೂವೇ
ಚೆಲುವಿನ ಹೂವೇ
ನಿನ್ನ ನಗುವೇ ನಿನಗೆ ಭಾರವಾಯ್ತೆ ?
ದುಂಬಿ ಬರುವ ಮುನ್ನ
ನಿನ್ನ ನಗು ಮಾಯವಾಯ್ತೆ?
ಯಾರು ಅರಿವರು ಹೂವೇ ನಿನ್ನ
ಮನದ ಕಡಲಾಳವನ್ನು?
ಹಿಡಿಯಲಹುದೇ ಅಲ್ಲಿ
ಓಡಾಡುವ ಬಣ್ಣ ಬಣ್ಣದ
ಮೀನುಗಳನ್ನು.
ಬಡಿಸು ನೀ ಸಿಹಿ ಮಕರಂದವ
ಅರಸಿ ಬಂದು ಸರಸವಾಡುವ
ರಸಿಕ ದುಂಬಿ ಗೆಣೆಕಾರನಿಗೆ..
ನುಡಿಸು ಪ್ರೇಮ ಪಲ್ಲವಿಯ
ಮಡಿಲಲಿ ತಲೆಯಿರಿಸಿ ಮಲಗಿರುವ
ಮಾಣ್ ದುಂಬಿಗೆ,
ಸಿಗಲಿ ಸ್ವರ್ಗವದಲ್ಲೇ ನಲ್ಲೆಯ.
- ಶ್ರೀಗೋ.
21 Apr 2017, 08:24 am
Download App from Playstore: