ಕಡಿದ ದಾರಿ
ಅದೆಲ್ಲಿಂದಲೋ ಬೀಸಿವ
ಕುಳಿರ್ಗಾಳಿಗೆ ಸೋಂಕಿದ ನಿನ್ನ
ನೆನಪ ನವೆ ಈಗಲೂ
ಪದೇ ಪದೇ ಎಚ್ಚರವಾಗಿಸುತ್ತದೆ
ಮುಸುಡಿಯುದ್ದಕ್ಕೂ ನಿನ್ನ
ಹೆಸರ ಕರೆದ ತರುವಾಯ
ತೀರದ ದಾಹ ಈ ಹಲ್ಕಾ ತುಟಿಗಳಿಗೆ
ಒಣಗಿದ ಎದೆಯಾಳದಲ್ಲೊಂದು
ಒರತೆ ಜಿನುಗುತ್ತದೆ ಹನಿಯಂತೆ
ನಾನಿರುವ ಸಂದೇಹಕ್ಕೆ ಪಕ್ಕಕ್ಕೆ
ಸರಿಯುತ್ತೇನೆ ವಾಲುವ ನೆಪದಲ್ಲಿ
ಮತ್ತೊಮ್ಮೆ ನನ್ನ ಇರುವಿಕೆ
ಖಾತ್ರಿಪಡಿಸಿಕೊಳ್ಳತ್ತೇನೆ
ಈವಾಗಿನಿಂದ ನೋಡು,
ಬೀದಿ ದೀಪದ ಕಡಿಮೆ ಬಿಳಿಗೆ
ಗೋಚರಿಸಿದ ಮಿಡತೆಯಂತೆ
ಸಂತೆ ಗುಳಿಕೆನ್ನೆಯ ಮುಂಗುರುಳು
ದೂರದೃಷ್ಟಿಯ ಕದಗಳನ್ನು
ತೆರೆದುಕೊಡುತ್ತದೆ ಸೋತಷ್ಟು ಸೋಲಲು
ಉಸಿರ ಏರಿಳಿತದ ಪ್ರಮಾದಗಳಿಗೆ
ಭಾಗಿಧಾರಿ ನೀ ಆಗಬೇಕು ಮುಂದೆ
ಕಡಲಾಚೆ ಅದಿರುನಾಡಿನ ಚೆಲುವೆ
ಕಣ್ಣಿನ ಒಡಂಬಡಿಕೆಗಳ ಆಯಸ್ಸು
ಮುಗಿಯುತ್ತದೆ ಕಾಯುತ್ತಿದ್ದರೆ
ಒಮ್ಮೆ ಉಸಿರು ನಿಲ್ಲುವಂತೆ
ಬಿಗಿದಪ್ಪಿ ರುಜುಮಾಡಿ ಬಿಡು ಒಲವ..!
ಅವಿಜ್ಞಾನಿ
- ಅವಿಜ್ಞಾನಿ
21 Apr 2017, 01:38 pm
Download App from Playstore: