ಎಲ್ಲೆಲ್ಲೂ ಕನ್ನಡ....
ಎದೆತಟ್ಟಿ ಹೇಳುವೆ ನನ್ನ ಭಾಷೆ ಕನ್ನಡ
ಅಭಿಮಾನದಿ ಕೂಗುವೆ ನನ್ನುಸಿರು ಕನ್ನಡ
ನಮ್ಮ ನಾಡು ಕನ್ನಡ...ಪ
ಸಿರಿತನಕೆ ಬಡತನಕೆ ಭೇದವಿಲ್ಲ ಕನ್ನಡ
ಜಾತಿಮತ ಮೀರಿದ ದೈವಭಾಷೆ ಕನ್ನಡ
ಎಲ್ಲರೊಳಗೆ ಒಂದಾಗಿ ಒಂದಾಗುವ ಕನ್ನಡ
ಹೆಜ್ಜೆಹೆಜ್ಜೆಯಲು ಗೆಜ್ಜೆಯನಾದದಲು
ಸಪ್ತಸ್ವರನಾದದೊಳು ಸಂಗೀತಲೋಕದೊಳು
ವನ ಮನ ಕಣ ಬಣದೊಳು ಜೀವಜಲ ಕನ್ನಡ
ಕಾವೇರಿ ತೀರದಲಿ ಕರುನಾಡ ಮಣ್ಣಲಿ
ಕಬ್ಬಿಗರ ನಾಡಲಿ ಕರುಣೆಯ ಬೀಡಲಿ
ಕಣ್ತುಂಬ ತುಂಬಿದೆ ಕನ್ನಡವೆ ಮಿಂಚಾಗಿ
ವೀರಶೂರರಾಳಿದ ವೀರಭೂಮಿ ಕನ್ನಡ
ಭಕ್ತಿ ಭಾವ ಪಸರಿಸಿದ ಪುಣ್ಯಭೂಮಿ ಕನ್ನಡ
ಸಾಹಿತ್ಯ ಲೋಕದ ಸಿಂಹಾಸನ ಕನ್ನಡ
ಎಲೆಗಿಡ ಮರಬಳ್ಳಿಯಲು ಕಂಗೊಳಿಸಿದೆ ಕನ್ನಡ
ಕಾನನದ ಅಂಚಿಗೂ ಮಳೆಬಿಲ್ಲು ಕನ್ನಡ
ಸೂರ್ಯ ಚಂದ್ರತಾರೆಯಲು ಮಿನುಗುತಿದೆ ಕನ್ನಡ
ಬೇಲೂರು ಹಳೆಬೀಡು ಪಟ್ಟದಕಲ್ಲು ಹಂಪೆಯಲು
ಸಹ್ಯಾದ್ರಿ ಬೆಟ್ಟದಲು ಸಸ್ಯಕುಲರಾಶಿಯಲು
ಜೋಗದ ಜಿನುಗಿನಲಿ ಝೇಂಕಾರವು ಕನ್ನಡ..
- Irayya Mathad
23 Apr 2017, 09:52 am
Download App from Playstore: