ಮಾರಲಾಗುತ್ತದೆ

ನಿನ್ನೆ 23/4/2017 ರಂದು ಹುಣಸೂರಿನಲ್ಲಿ ನಡೆದ ರಾಜ್ಯಮಟ್ಟದ ಕವಿಗೋಷ್ಠಿಯಲ್ಲಿ ನಾನು ವಾಚಿಸಿದ ಕವನ..
********

ಕತ್ತಲೆಯ ಬೆತ್ತಲೆ ಆಟಕ್ಕೆ ಮೋಜಿನ
ಪೈಂಟ್ ಹಾಕುವವರ ಮಧ್ಯೆ
ಹೃದಯದ ಗೂರ್ಖನ ಹಸಿಮಾಂಸವನ್ನು
ಬೆಳಗಾಗುವುದರಲ್ಲಿ ಮಾರಲಾಗುತ್ತದೆ..!!
~
ಸುಲಿದ ಚರ್ಮದ ವಾಸನೆಗೆ ಬೆವೆತ
ಮೂಗಲಿ ರಂಧ್ರ ಕೊರೆದಿದೆ
ಸುರಿದ ಉಪ್ಪಿನ ಪಾನಕ ಕುಡಿಯುವ
ಗಂಟಲನ್ನೆಲ್ಲಾ ಗುಂಡಿಕ್ಕಿ ಕೊಂದು
ಮಾರಲಾಗುತ್ತದೆ..!!
~
ಕೆದರಿದ ಕೂದಲ ನರಗಳ ಕಡಿದು
ಹಸಿದ ಹಲ್ಲುಗಳ ಹೊಟ್ಟೆಯ ಬಗೆದು
ಸೋರುವ ಕಿವಿಯಲ್ಲಿ ಸೋಲುವಷ್ಟು
ಒಣತುಪ್ಪಗಳ ಮಾರಲಾಗುತ್ತದೆ..!
~
ಸರ್ಕಲ್ಲಿನ ಸೂಳೆ ಮೂಲೆಯಲಿ
ತಿರುವಿನ ಗಂಧೀ ರೋಡಿನಲ್ಲಿ
ತೊಟ್ಟಿಯಲ್ಲಿನ ಪ್ಲಾಸ್ಟಿಕ್ ಚೀಲಗಳಲ್ಲಿ
ಶೀಲವಿರದ ಹೊಟ್ಟೆಗಾಗಿ ಒಂದಿಷ್ಟು
ನೆನಪ ಮಾರಲಾಗುತ್ತದೆ...!!
~
ಸುರಿದ ಸೂಪಿನ ಘಮಕ್ಕೆ ಅರಳೋ
ಮಲ್ಲಿಗೆ ರಕ್ತಕ್ಕೆ ಕೀವಿನ ಸಾರು ಬಡಿಸಿ
ಸಾವಿನ ಹೊಟ್ಟೆಗೆ ಮೊಳೆಯ
ಅಭಿಷೇಕ ಮಾಡಿ ಸಮಯದ ಬಣ್ಣವ
ಕತ್ತಲಲ್ಲಿ ಮಾರಲಾಗುತ್ತದೆ.!
~
ಬೆಂದದ ಪದಗಳ ಚಟ್ಟದ
ಮೇಲೆ ಸಮಯದ ಅನರ್ಥ
ವ್ಯಾಖ್ಯಾನದ ಮಡಿಗೆ ಉಸಿರಿಡಿಯುವ
ಹೆಸರುಗಳ ಬೂದಿಯಲ್ಲಿ ಬರೆಯುವ
ಕೈಗಳ ಶಕ್ತಿಯ ಮಾರಲಾಗುತ್ತದೆ..!!

-ಅವಿಜ್ಞಾನಿ
**********

- ಅವಿಜ್ಞಾನಿ

24 Apr 2017, 05:56 pm

---

Download App from Playstore: