ಪ್ರೀತಿ ಎಂದರೆ........
ಪ್ರೀತಿ ಎಂದರೆ ಮಕ್ಕಳಾಟವೇನು ಗೆಳೆಯ
ಸಾಕೆಂದು ಎದ್ದು ಹೋಗೋಕೆ
ನೀ ಹೋದೆಯೆಂದು ಕನಸ ಕೊಲ್ಲಲಾರೆ
ನಿನ್ನ ಮುಂದೆಯೇ ಬದುಕಿ ಬಾಳುವೆ
ನಾ ಚುಕ್ಕಿಇಟ್ಟು ಬಿಟ್ಟ ರಂಗೊಲಿಯ ಪೂರ್ಣಗೊಳಿಸದೆ ಹೋದೆ ನೀನು
ನಿನ್ನ ನೆನಪಲೇ ಕೊರಗಲು ಹೇಡಿಯಲ್ಲ ನಾನು
ಅದನೆ ಸರಿಪಡಿಸಿ ಹೊಸ ಚಿತ್ರವ ಬಿಡಿಸುವೆ
ನಾ ಹಾಡಿದ ರಾಗಕೆ ಶೃತಿಯ ಬರೆಸದೆ ಹೋದೆ ನೀನು
ನಿನ್ನ ಬರುವಿಕೆಗೆ ಕಾಯಲು ಮೂರ್ಖಳಲ್ಲ ನಾನು
ಹೊಸಶೃತಿಯನೆ ಬೆರೆಸಿ ಹೊಸ ರಾಗವ ಕಟ್ಟುವೆ
.
ನಾ ಬರೆದ ಕವಿತೆಗೆ ಭಾವವಾಗದೆ ಹರಿದು ಹೋದೆ ನೀನು
ನಿನ್ನ ನೆರಳಲೆ ಬದುಕಿರಲು ಅಬಲೆಯಲ್ಲ ನಾನು
ಹರಿದ ಭಾವವ ಹೊಲಿದು ಹೊಸ ಭಾಷ್ಯವ ಬರೆಯುವೆ
ನೀ ಗಂಡಾದರೇನು ನಾ ಹೆಣ್ಣಾದರೇನು
ನಿನ್ನಂತೆ ಸ್ವಾಭಿಮಾನ ನನಗಿಲ್ಲವೇ
ನೀ ಗೋರಿ ಕಟ್ಟಲು ಬಯಸಿದರೆ ನನಗೆ
ನಮಗಿಂತ ಮೊದಲು ಅದರಲಿ ನೀನಿರುವೆ
ಹಂಸಿನಿ
- ವಿಸ್ಮಯ
25 Apr 2017, 04:06 pm
Download App from Playstore: