ನಾನು......
ಕಣ್ಣ ನೀರ ಹನಿಯ ಹಿಡಿದಿಟ್ಟು ಕಾಯುತಿರುವೆ
ಮುತ್ತಾಗಿಸಿ ಕಾಯುವ ಕಪ್ಪೆಚಿಪ್ಪಿಗಾಗಿ
ಮಾತೆಲ್ಲ ಮನಸಲ್ಲೆ ಮನೆಮಾಡಿ ಇಟ್ಟಿರುವೆ
ಮನವೆಂಬ ಮನೆಯ ಅಲಂಕರಿಸುವವರಿಗಾಗಿ
ನೋವೆಲ್ಲವ ಮನದಾಳದಲ್ಲಿ ಬಂಧಿಸಿಟ್ಟಿರುವೆ
ಅವನು ಬಿಡುಗಡೆಗೊಳಿಸಿ ನಗಿಸುವವರಿಗಾಗಿ
ನಗುವನ್ನೇ ಮೋಹಿಸಿ ಕಣ್ಣಂಚಲೆ ಕೂಡಿಟ್ಟಿರುವೆ
ನಗುಮೊಗದ ನಲ್ಮೆಯ ಪ್ರೀತಿಪಾತ್ರರಿಗಾಗಿ
ಬಾಳ ಕನಸುಗಳೆಲ್ಲ ಪೋಣಿಸಿಟ್ಟಿರುವೆ
ಹೆಜ್ಜೆಗೆ ಜೊತೆಯಾಗುವ ಕನಸುಗಾರರಿಗಾಗಿ
ನನಸೆಲ್ಲವ ಹಂಚುತ್ತ ನಡೆಯುತ್ತಿರುವೆ
ಬಾಳ ಜೊತೆಗೆ ನಡೆಯುತ್ತಿರುವ ನನ್ನವರಿಗಾಗಿ.....
- ಶ್ರೀಕಾವ್ಯ
25 Apr 2017, 06:26 pm
Download App from Playstore: