ಮೊಟ್ಟೆಯಿಡುವ ಮೊಡವೆ
ಅವಳ ಚಹರೆಯಲ್ಲಿ ಮೊಡವೆ
ಮೊಟ್ಟೆಯಿಡುವಾಗ
ನಾಚಿಕೆ ಸೆರಗ ಸುತ್ತುತ್ತದೆ
ನನ್ನ ಕನಸುಗಳಿಗೆ ಜಾಮೀನು ರಹಿತ ಸಜೆ ಸಿಗುವುದು ಆವಾಗಲೇ
ಅರಶಿನ ಮುತ್ತುವ ಕೆನ್ನೆ ನನ್ನ
ಕುರುಚಲು ಗಡ್ಡವನ್ನು ಲೇವಡಿ ಮಾಡಲೆಂದೇ ಶೋಭಿಸುತ್ತದೆ
ಹುರಿ ಮೀಸೆ ಕಪ್ಪು ಹುಡುಗ
ಸುರುಮ ಹಚ್ಚುವ ಖಯಾಲಿ ಶುರು
ಮಾಡೋಕೆ ಕಾರಣ ಅವಳೇ
ಪ್ರಣಯದಾಟದಲ್ಲಿ ನಾನೆಂದೂ ಹಾವಾಗಿರಲು ಇಚ್ಚಿಸುತ್ತೇನೆ
ಅವಳೊಂದು ಏಣಿ ಏರಿದಂತೆ
ಇಳಿಸುತ್ತಾಳೆ
ಪುನಾಃ ಅಮಲು ಹತ್ತಿಸುವ ಉಮೇದಿನವಳು ಘಳಿಗೆಗೊಮ್ಮೆ
ಕಾಡುತ್ತಾಳೆ
ಎದೆಯೂರಿನ ಪರಿಚಾರಕಿ ಕಣ್ಣಾಲೆಲ್ಲಿ ಕಥೆ ಹೇಳುತ್ತಾಳೆ
ಮುಗಿಲ ಬಿಟ್ಟ ಉಲ್ಕೆ ನಾನು ಉದುರಬೇಕೆಂದಿರುವೆ ಅವಳೊಳಗೆ
ಅಂತಿಮ ಹಪಹಪಿಗೆ ಹಸಿರು ನಿಶಾನೆ
ಇನ್ನು ಸಿಗಬೇಕಷ್ಟೆ
ಅವಿಜ್ಞಾನಿ
- ಅವಿಜ್ಞಾನಿ
28 Apr 2017, 05:38 pm
Download App from Playstore: