ನಂಬಿಕೆ
ಭಾವ ಬಂಧನಕೆ ನಂಬಿಕೆಯೇ ಅಡಿಪಾಯವಂತೆ
ಅದರೊಡನೆ ಮಾತಿಗೆ ಜನನ, ಮೌನಕೆ ಮರಣ
ನಗುವಿನ ಅಲೆಯು ಮಗುವಿನಂತ ಮನಸಲಿ
ಕಂಡಾಗ ಕಣ್ಣೀರ ಮಿಡಿವುದು ಹೃದಯವು ಅಲ್ಲಿ
ನಕ್ಕಾಗ ನಗುವು, ಅತ್ತಾಗ ಅಳುವು
ನಗಿಸಿ ನಕ್ಕು ಅಳಿಸಿ ಅತ್ತು ಕಣ್ಣೀರ ಒರೆಸಿ
ಮಾತು ಮನಸ ಬೆಸೆದು ಕೂಡಿಟ್ಟು ಕಾಪಾಡಿರಲು ಬಂಧವು
ನಂಬಿಕೆಯೇ ಮುರಿದರೇ ಮುಂದಿನದು.............?
ಹುಟ್ಟಿದ ಮಾತಿಗೆ ಮರಣ, ಸತ್ತ ಮೌನಕೆ ಜನನ
ನಗುವಿನ ಅಲೆಯ ಚುಚ್ಚಿ ಕೊಲ್ಲುವ ನೋವಿನ ಅನುಮಾನ
ಕಣ್ಣ ನೀರ ಕಂಡು ಮಿಡಿದ ಹೃದಯದಲಿ ಮತ್ತದೇ ಕಣ್ಣೀರಿನ ಉತ್ಖನನ
ಮತ್ತದೇ ಅಳು ನಗುವಿನ ಪುನಾರಾಗಮನ
ನಗುವೇ ಅಳುವಾಗಿ, ಅಳುವು ಕಾಡಿ ಬಹುವಾಗಿ
ಬಂಧವ ಬೆಸೆದ ಮಾತೆ ನೋಯಿಸುವ ನನಸಾಗಿ
ಕನಸಲೂ ಕಾಡಯವುದು ಸಂಬಂಧವೂ ಪ್ರಶ್ನೆಯಾಗಿ
- ಶ್ರೀಕಾವ್ಯ
28 Apr 2017, 09:15 pm
Download App from Playstore: