ನನ್ನ ಕನಸು
ಬದಲಾಗುತ್ತಿರುವ ಭಾರತದಲ್ಲಿ
ನವ್ಯ ಚೈತನ್ಯವ ಕಂಡೆ
ನವ ಮಾಸ ಹೊತ್ತ ತಾಯಿ ಕಣ್ಣಲ್ಲಿ
ಭವ್ಯವಾದ ಸಂತೋಷ ಕಂಡೆ
ಎಲ್ಲೆಲ್ಲೂ ಹಸಿರ ತೋರಣ ಕಂಡೆ
ಎಲ್ಲರದು ಒಂದೆ ಉಸಿರೆಂಬ ಭಾವ ಕಂಡೆ
ಶತ್ರುಗಳೊಂದಿಗೆ ಯುದ್ದಕ್ಕೆ ನಿಂತ ಯೋಧನ
ಸೇವೆಗೆ ಬದ್ಧರಾದ ಮನುಜರ ಕಂಡೆ
ಜಾತಿಯನು ತುಳಿದು
ಜಾಣತ್ವದಲಿ ಬದುಕುವವರ ಕಂಡೆ
ಭ್ರಷ್ಟರ ಮೆಟ್ಟಿ ಬುದ್ದನ ಮೆಚ್ಚಿ
ನಡೆವ ಮನುಕುಲದ ತಿಲಕಗಳನು ಕಂಡೆ
ಅಮ್ಮಾ ಎಂದು ಹಸಿವ ತೋರಿದವರಿಗೆ
ಅಮೃತವನ್ನು ಬಡಿಸುವವರ ಕಂಡೆ
ಅಮ್ಮಾ ಎಂದು ತಾಯಿ ಒಡಲ ಬಗೆವವರ
ಎದೆ ಬಗೆವ ಹುಲಿಗಳ ಕಂಡೆ
ಸ್ವಪ್ನ ಸುಂದರಿಯನ್ನು ತೊರೆದು
ನಯನಗಳನ್ನು ನಾಜುಕಾಗಿ ತೆರೆದು
ಮೌನಿ ಮನ ಹೇಳಿತು ನಾ ಕಂಡ
ಕನಸು ನನಸಾಗಬಾರದೇ ಎಂದು
ಮೌನಿ(9739651101)
- ಮೌನಿ
01 May 2017, 08:31 am
Download App from Playstore: