ನನ್ನೊಲವ ವೈಣಿಕ
ನಿನ್ನೊಲವ ವೀಣೆ ನಾನು
ಮೀಟದಿರು ನನ್ನೆದೆಯ ತಂತಿಯನು ಓ ವೈಣಿಕ
ಉನ್ಮಾದದಿ ಮನಸಾಗಿದೆ ಭಾವುಕ
ಹುಣ್ಣಿಮೆಯ ತಂಗಾಳಿಯಲಿ
ನುಡಿಸದಿರು ಮೋಹಕ ರಾಗವನು ಕೈ ಮುಗಿವೆ
ಹುಚ್ಚೆದ್ದು ಕುಣಿಯುತಿದೆ ಸ್ವರ ತಾಳ ತ್ರೋಟಕ
ನೀ ಮೀಟಲು ತಂತಿಯನು
ಉಲಿಯದಿರಲು ಶಿಲೆಯೇ ತಾನು
ಕೂಡಲಿ ಇರು ನಮ್ಮಿಬ್ಬರ ಜಾತಕ
ನೀನು ನುಡಿಸೆ ನಾನು ನುಡಿಯೆ
ಹೊಸರಾಗದ ಹೊನಲು ಹರಿಯೇ
ಸಪ್ತಪದಿಯ ಸುರಾಪನದಿ ಸ್ವರ್ಗವಾಗದೇ ನಾಕ
ಸಾಕು ನಿಲ್ಲಿಸು ವೈಣೆಕನೇ ಶೃತಿ ಮೀರುವುದು ಪಾತಕ
ನಿನ್ನೆದೆಯ ವೀಣಿ ನಾನು ಅದ ನುಡಿಸಲಿರುವ ಬೆರಳು ನೀನು,
ಇನ್ನೇಕೆ ಈ ತಳಮಳ ತವಕ ಸ್ವರಕೆ ರಾಗವಾಗುವ ಕೌತುಕ
ಹಂಸಿನಿ
- ವಿಸ್ಮಯ
02 May 2017, 07:13 pm
Download App from Playstore: