ಪ್ರತಿರೂಪವು ನೀನಾಗಿ
ಕಣ್ಣು ಕಣ್ಣಲ್ಲೇ ಕವನ
ಮೂಡಿದ ಕ್ಷಣವೇ ಮೌನ
ಒಂದೊಂದು ಪದಗಳ ಪ್ರತಿರೂಪವು ನೀನಾಗಿ
ಬರೆದೆ ನಿನಗಾಗಿ ನಾ ಕವಿಯಾಗಿ
ಭಾವನೆಗಳು ತುಂಬಿರುವ ಈ ಕವನ
ಅನುದಿನ ಪ್ರತಿಕ್ಷಣ
ನಾ ನೆನೆಯುವೆ ನಿನ್ನನು
ನಿನ್ನ ನೆನೆನೆನೆದ ಪ್ರತಿಕ್ಷಣವು
ಜನನವಾಗುತಿವೆ ಒಂದೊಂದು ಕವನ
ಕಳೆದು ಹೋಗಿದ್ದೆನೆ ನನ್ನೊಳಗೆ ನಾನು
ಉಸಿರಲ್ಲಿ ಉಸಿರಾಗಿ ಬೆರೆತು ನಾನು ನೀನಾಗಿ
ಹಗಲಿಲ್ಲ ಇರುಳಿಲ್ಲ ನೀನಿರುವೆ ಮನವೆಲ್ಲ
ಮನವಿದು ನಿನ್ನ ನೆನೆಯದ ಕ್ಷಣವಿಲ್ಲ..
ಮರೆತರೂ ಮರೆಯಲಾಗದ
ನೆನೆಸಿಕೊಂಡಷ್ಟು ಖುಷಿ ಕೊಡುವ
ದೂರವಾದರೂ ಬೇಕೆನಿಸುವ
ಹಸಿವಿದ್ದರೂ ಊಟಮಾಡಲಾಗದ
ಮಲಗಿದ್ದರೂ ನಿದ್ರಿಸಲಾಗದ
ನೋಡಿದರೆ ಮತ್ತೆ ನೋಡಬೇಕೆನಿಸುವ
ಮನಸ್ಸಿನಲ್ಲಿದ್ದರೂ ಹೇಳಲಾಗದ
ಭಾವನೆಗಳು ಮನದಲಿ ತುಂಬಿರಲು…
ನಿನ್ನೆ ಪ್ರೀತಿಸುವೆ ಈ ಜನುಮ ಇರೊವರೆಗೆ
ನೆರಳಾಗುವೇ ಬದುಕಾಗುವೆ
ಎದೆ ಬಡಿತ ನಿಲ್ಲೋ ಕ್ಷಣದವರೆಗೂ...
ನಿನ್ನವನಾಗಿರುವೆ ನಿನ್ನವನಾಗಿರುವೆ
- Pb
05 May 2017, 12:40 pm
Download App from Playstore: