ಜೀವಗಳ ಭಾವಬಂದನ....
ಮೂರು ಗಂಟಿನಲಿ ನಂಟಾಗಿ
ಏಳು ಹೆಜ್ಜೆಗಳು ನಡೆದು ಜಂಟಿಯಾಗಿ
ಕೈ ಹಿಡಿದು ಅಗ್ನಿಸಾಕ್ಷಿಯಾಗಿ
ಬದುಕಬೇಕು ಮನಸಾಕ್ಷಿಯಾಗಿ
ಭಾವಗಳು ಮನಸುಗಳ ಬೆಸೆದು
ಬೆಸೆದ ಜೀವಗಳ ಮನಸುಗಳು
ಸಾವಿರ ಕನಸುಗಳ ಹೊಸೆದು
ಅಡಿ ಇಡುವರು ನವ ಜೀವನಕೆ
ಮೂರು ಗಂಟಿನೊಳಗಿದೆ ಸಾವಿರ ಮರ್ಮ
ನಗು ನಗುತ ಬಾಳುವುದು ಸತಿ ಪತಿಗಳ ಧರ್ಮ
ಎರಡು ಜೀವಗಳ ಕೈಗಳ ಬೆಸುಗೆ
ಎರಡು ಸಂಸಾರಗಳಿಗೆ ಬಾಳ ತುಂಬ ಹೊಸುಗೆ
ಸೋಲಿಸಲು ಹವಣಿಸದೆ ಒಬ್ಬರನೊಬ್ಬರು
ನಂಬಿಕೊಂಡು ಮನಸಾರೆ ಎಂದೂ ಒಂದೇ ನಾವಿಬ್ಬರು
ತಿಳಿದು ಬೆಸುಗೆಯ ಜೊತೆ ಬಂದವರೆಲ್ಲ ನಮ್ಮವರು
ಅರಿತು ಜೊತೆಗೆ ನಡೆಯುತ ಕೆಡಿಸುವವರು ಯಾರಿದ್ದರು
ನಗಿಸಿ ನಗುತ ಸಾಗಬೇಕು ಸಾವಿರ ನೋವಿದ್ದರು
- ಶ್ರೀಕಾವ್ಯ
05 May 2017, 04:38 pm
Download App from Playstore: