ಆಧುನಿಕತೆಯಲಿ ಅವನತಿಯ ಗುಂಡಿ
ಚಿಂದಿ ತೊಟ್ಟು ಬಾಳಿದರು
ಅಂದು ಬಡತನದಲಿ
ಚಿಂದಿನೇ ಫ್ಯಾಷನ್ ಎನ್ನುವರು
ಇಂದು ಶ್ರೀಮಂತಿಕೆಯಲಿ
ಅಗುಳು ಅನ್ನವನ್ನು ಆಸ್ವಾದಿಸಿ
ಉಣ್ಣುತಿದ್ದರು ಅಂಗಲಾಚಿ
ಹಸಿವಿನಿಂದ ಬಳಲುವರನ್ನು ಅಲಕ್ಷಿಸಿ
ಮೆರೆವರು ಮೃಷ್ಠಾನ್ನವ ಮಣ್ಣಾಗಿಸಿ
ಕಾಲ ಹರಣ ಮಾಡಲು
ಮಾರ್ಗವು ಹಲವು ನೋಡಿ
ದೋಚುತಿಹರು ಬಹುಮಂದಿ
ಮೋಜಿನ ಮೋಡಿ ಮಾಡಿ
ವಿದ್ಯುತ್ ದೀಪಾಲಂಕಾರದಲಿ
ಕಾಣಬಯಸುವೆವು ನೆಮ್ಮದಿ
ಸತ್ಯಾ-ಅಸತ್ಯತೆಗಳ ಅರಿವಿಲ್ಲದೆ
ಸಾಗುವುದು ಈ ನಮ್ಮ ಜೀವನ-ನದಿ
ಮಹಿಳೆಗೆ ಮೌಲ್ಯಗಳ ಅರಿವಿಲ್ಲ
ಮಾನ ಉಳಿಸೆಂದು ಕೇಳುವರಲ್ಲ
ವಿದೇಶಿಯರ ಮೋಡಿಗೆ ಮನಚೆಲ್ಲಿ
ಕೊರಗುತಿರುವರು ಕಣ್ಣೀರಚೆಲ್ಲಿ
ಸ್ವಾಭಿಮಾನ ನಮಗೆ ಬಹುಮಾನ
ಆಗದಿರಲಿ ಎಂದೆಂದೂ ಅವಸಾನ
ನಾಡ ಸ್ತ್ರೀಯರ ಸಂರಕ್ಷಣೆ
ಭಾರತಮಾತೆಗೆ ಭೂಷಣ
ಇರಬೇಕು ಮಹಿಳೆಗೆ ಉತ್ತಮ
ನಡೆ- ನುಡಿ ಅದೆ ಅಂತಿಮ
ಕೆಲವು ಸ್ತ್ರೀಯರ ಫ್ಯಾಷನ್
ಇಂದಿನ ಅನಾಹುತಕ್ಕೆ ಆಹ್ವಾನ
ಇನ್ನೆಲ್ಲಿದೆ ನಮಗೆ ಸಮಾಧಾನ
ಶಾರಧ
- ಶಕುಂತಲಾ
08 May 2017, 03:33 pm
Download App from Playstore: