ಆಸೆ ಹೊತ್ತವರು
ಏನು ಕೇಳಿದಿರಿ?
ಕತ್ತಲ ಗೂಡಲ್ಲಿ ಚಿಮಿಣಿ ಬೆಳಕಲ್ಲಿ
ಬದುಕು ಸಾಗಿಸುವವರು ನಾವು
ನಿಮ್ಮ ಬಾಷಣಗಳಿಗೆ ಕಥೆ ಆದವರು ನಾವು
ನೀವು ಕೊಡುವ ನಾಕಾಣೆಗೆ
ನಮ್ಮ ಕನಸ ಮಾರಿಕೊಂಡವರು
ನಿಮ್ಮ ಆಶ್ವಾಸನೆಗಳು ಶಾಸನಗಳು
ನನಸಾಗುವವೆಂಬ ಕನಸಲ್ಲೆ ಸ್ಮಶಾನ ಸೇರುವವರು
ನಿಮ್ಮ ಬಾಸಣದಲ್ಲಿ ನಮ್ಮ ಕಥೆ ಕೇಳುವವರು
ನಾಕಾಣೆಗೆ ನಮ್ಮನ್ನು ಮಾರಿಕೊಂಡವರು
ಕತ್ತಲೆ ತುಂಬಿದ ಗುಡಿಸಿಲಿನಲ್ಲಿ
ಕಡೆಗೊಮ್ಮೆ ಆದರೂ ಬೆಳಕು ನೋಡಬೇಕೆಂದುಕೊಂಡವರು
ನಿಮ್ಮ ಮದುವೆ ದಿಬ್ಬಣದಲ್ಲಿ ಬೆಳಕು ಹಿಡಿದವರು
ನಮ್ಮ ಮುಖಗಳು ನಿಮಗೆ ಕಾಣಿಸದು ಬಿಡಿ
ಸುತ್ತಲೂ ಕತ್ತಲು ನಮ್ಮನ್ನು ಆವರಿಸಿರುತದೇ ನೋಡಿ
ಕಣ್ಣು ಮಂಜಾಗುವುದರೊಳಗೆ ನಮ್ಮ ಹಾಡಿಯಲ್ಲಿ
ಬೆಳಕು ನೋಡುವ ಬಯಕೆ ಹೊತ್ತವರು ನಾವು
- HarshaHL
09 May 2017, 06:56 am
Download App from Playstore: