ಮರವಾಗೊ ಮಾನವ...
ಮರವೆಂಬ ಮಾನವನೊಳಗೆ
ಕವಲೊಡೆದ ಭಾವಗಳು ರೆಂಬೆಗಳಂತೆ
ರೆಂಬೆಗಳಲು ಸಾವಿರಾರು ಕನಸುಗಳು ಎಲೆಗಳಂತೆ
ಹುಟ್ಟುವ, ಸಾಯುವ ಭಾವನೆ ಕನಸುಗಳು ಚಿಗುರು ಒಣಗಿದ ಎಲೆಗಳಂತೆ
ಅಲ್ಲಲ್ಲಿ ನಗಿಸಿ ನಗುವ ಖುಷಿಗಳು ಮನವ ಉಲ್ಲಾಸಿಸುವ ಹೂವುಗಳಂತೆ
ಜೊತೆ ಇದ್ದರು ನನಸಾಗದ ಭಾವ ಕನಸು ನೋವು ಸೋಲು ಕಹಿ ನೆನಪುಗಳು ಕಾಯಿಯಂತೆ
ಕಲಿತ ಜೀವನ ಪಾಠ ನನಸಾದ ಕನಸುಗಳು ಸಿಹಿಯಾದ ನೆನಪುಗಳೇ ಹಣ್ಣಿನಂತೆ
ಇವೆಲ್ಲವ ಹೊತ್ತು ನಿಂತ ಮನಸೇ ಕಾಂಡದಂತೆ
ಎಲ್ಲವ ಮೀರಿ ಮನದೊಳಗೆ ಅಡಗಿ ಮಾನವನ ಗಟ್ಟಿಯಾಗಿಸಿ ನಡೆಸುವವೆಲ್ಲವು ಬೇರುಗಳಂತೆ
ಕತ್ತರಿಸಿದರೇನು ರೆಂಬೆಗಳನು
ಉದುರಿದರೇನು ಒಂದರೆಡು ಒಣಗೆಲೆ
ಬಿಸಿಲೆಂಬ ನೋವಿಗೆ ಬೋಳದರೇನು ಇಡಿ ಮರವೆ......
ಕಳೆದು ಕೊಂಡ ರೆಂಬೆಯ ನೆನೆದು ಪ್ರಾಣ ಬಿಡುವುದೇನು
ಒಣಗಿದಲಿ ಚಿಗುರದೆ ಮತ್ತೊಂದು ಎಲೆ
ವಸಂತನಾಗಮನದಲಿ ನಿಲ್ಲದೆ ಮತ್ತೆ ಹಸಿರು ಹೊತ್ತು ನಿಂತು
ಮರೆಯಾದರೇನು ನಗುವ ಸೂಸೊ ಹೂವುಗಳು
ಹಣ್ಣಗದಿದ್ದರೇನು ಕಾಯಿಗಳು
ಹಣ್ಣುಗಳನ್ನೆಲ್ಲ ಪರರ ಖುಷಿಗೆ ಕೋಯ್ದರೇನು.....
ಆ ಮರದಲಿ ಹೂವುಗಳ ಪುನರಾಗಮನವಗದೇನು
ಆ ಕಹಿ ಕಾಯಿಗಳೇನು ಮರದಲಿ ಶಾಶ್ವತವೇನು
ಮತ್ತೆ ಮರದಲಿ ಹಣ್ಣುಗಳು ಬರದೆ ಇರುವುದೇನು
ಕಾಂಡವ ಕತ್ತರಿಸಿದ ಮರವು ಬದುಕಿದ್ದು ಸತ್ತ ಜೀವವು
ಬೇರೆ ಇಲ್ಲದ ಮರಕ್ಕೆ ಎಲ್ಲಿಹುದು ಉಳಿವು
ಮರವಾಗೊ ಮಾನವ....
ಕತ್ತರಿಸದಿದ್ದರೆ ಎಲ್ಲವ ಹೊತ್ತು ನಿಂತ ಕಾಂಡವ
ಬುಡಮೇಲು ಮಾಡದಿದ್ದರೆ ಬದುಕ ದಾರಿಗೆ ಆದರವಾದ ಬೇರನು
ಎಲ್ಲಿಹುದು ಜಾಗ ಬದುಕು ದಾರಿಯಲಿ ನೋಡಲು ಸೋಲಿನ ಸಾವನು........
- ಶ್ರೀಕಾವ್ಯ
09 May 2017, 11:08 am
Download App from Playstore: