ನನ್ನ ಕವನಗಳು
ಪ್ರೀತಿಯ ಕವನಗಳು ನನ್ನ ಪೆನ್ನಿನಿಂದ ಮೂಡುವುದು ಅತಿ ವಿರಳ
ಲೇಖನಿ ಎಂದು ಪೆನ್ನನ್ನು ಬರೆಯಬೇಕಿತೆಂದು
ಲೆಕ್ಕ ಹಾಕುತ್ತಿರುವಿರೇನು?
ಇರಲಿ ಅಷ್ಟೊಂದು ತಲೆಕೆಡಿಸಿಕೊಳ್ಳಬೇಡಿ
ನನ್ನ ಕವನಗಳೇನಿದ್ದರು
ಇಲ್ಲದವರ ಪರವಾಗಿ
ಅಸಮಾನತೆಯ ವಿರುದ್ಧ
ಅಸಾಮಾನ್ಯ ಶಕ್ತಿಯ ಪರವಲ್ಲ ನಾನು
ದೇವರ ಪೂಜಿಸುವ ಗೊಡವೆಗೆ ಎಂದು ಹೋಗದವನು
ನಾನು ಎಂದೂ ಗೋಡೆ ಕಟ್ಟುವುದರ ವಿರುದ್ಧ
ಕ್ರಾಂತಿಯ ಕೂಗು ನನ್ನ ಪೆನ್ನಿನಿಂದ ಬರುವುದಿಲ್ಲ
ಶಾಂತಿಯ ಮಂತ್ರ ಪಠಿಸುತ್ತವೆ ನನ್ನ ಕವನಗಳು
ನೆತ್ತರ ಕೋಡಿಯ ಕಥೆ ಮಾಡಿ ಹೇಳುವುದಿಲ್ಲ
ನನ್ನ ಕವನಗಳು
ಪ್ರೀತಿಯ ಎತ್ತರ ತಿಳಿಸುತ್ತವೆ....
- HarshaHL
09 May 2017, 09:00 pm
Download App from Playstore: