ಅವನಿ ಮತ್ತು ಮಾನವ....
ಈ ಅವನಿ ಅತಿ ಸುಂದರಿ
ಹಸಿರ ಸೀರೆಯುಟ್ಟ ಅವಳ ನೋಡುವುದೆ ಚೆಂದ ರಿ
ಬರುವನೋ ಆ ಮಳೆರಾಯ ಸೇರಲು ಅವಳ
ಆ ಗಗನವ ತೊರೆದು ಕಾತರದಿ ನೋಡಲು ಇನಿಯಳ
ಆ ರವಿಯು ಕೂಡ ತಗ್ಗಿಸುವ ಕಿರಣ ರಶ್ಮಿಯ
ಕಣ್ತುಂಬಿಕೊಳ್ಳಲು ವಸುಂಧರೆಯ ಸೌಂದರ್ಯ ರಾಶಿಯ
ಆ ಚಂದಮಾಮನು ಕಾಯುವ ಅವಳನು ಮಾಡಲು ಮುದ್ದು
ಆಗಾಗ ಬರುವನು ಅವಳ ನೋಡಲು ಕದ್ದು ಕದ್ದು
ಅತ್ಯಾಚಾರಿಯಾದ ಮಾನವ ಅವಳ ಹಸಿರನ್ನೆಲ್ಲ ಮೆದ್ದು
ಸೊಬಗಿಲ್ಲದ ಇನಿಯಳ ನೋಡಲಾಗದೆ ಮಳೆರಾಯ ಕೊಡುತಿರುವ ಗುದ್ದು
ಬುವಿಗೆ ನೋಯಿಸಿದ ಕಾಯಕಕ್ಕೆಲ್ಲ ಮಾನವನೆ ಮೇಟಿ
ಆ ಸೂರ್ಯದೇವನು ನೋಡಲಾರದೆ ಬೀಸುತ್ತಿರುವ ಬಿಸಿಲ ಚಾಟಿ
ಆ ಶಶಿಯು ಮಂಕಾಗಿ ಸೊಬಗು ಮುಕ್ಕಾಗಿ ಕಳೆಗುಂದಿರುವ
ಸಹಿಸಲಾಗದೆ ಆ ದಿನಕರನ ಕೋಪದ ತಾಪವ
ಸಾಕಲಾಗದೆ ತನ್ನೊಡಲ ಜೀವರಾಶಿಯ ನಿರುತ್ತರಳಾಗಿರುವಳು ಧರಣಿ
ಅರಿತು ಅವಳ ಉಳಿಸು, ಅವಳು ಕೂರುವ ಮೊದಲೆ ಧರಣಿ
ಕೊಂದಿರುವೆ ಅವಳೆದೆಯ ಸೇರುವ ಆಕಾಶಗಂಗೆ
ಕಾಡದಿರು ಇನ್ನೂ ಅವಳ ಬರಿದು ಮಾಡಿ ಪಾತಾಳಗಂಗೆ
ಅರಿಯದೆ ಅವಳ ಆಂತರ್ಯ
ಕೆಡಿಸಿರುವೆ ಅವಳ ಒಡಲ ಸೌಂದರ್ಯ
ಅವಳದೊ ಎಂದೂ ಮುಗಿದಿರದ ಅಂತಃಕರಣ
ಅದ ಮೀರಿ ಆಗುತ್ತಿರುವೆ ನಿನ್ನ ಅವನತಿಗೆ ನೀನೆ ಕಾರಣ
- ಶ್ರೀಕಾವ್ಯ
10 May 2017, 10:55 am
Download App from Playstore: