ಕಾಗದದ ಚೂರು
ಬೀದಿಯಲಿ ಬಿದ್ದಿರುವ
ಕಾಗದದ ಚೂರೆಂದು
ನಿಂದಿಸಿದೆ ನೀನು ಅಂದು
ನನನ್ನು ಅವಹೇಳನಗೈದು!!
ತಲೆ ತಗ್ಗಿಸಿ ನೀನು ನನ್ನ
ನಿಂದಿಸಿ ನುಡಿದಿದ್ದೆ
ಕೆಲಸಕ್ಕೆ ಬಾರದೆ ಬೀದಿಯಲಿ
ಬಿದ್ದಿರುವ ಒಣ ತ್ಯಾಜ್ಯವೆಂದು!!
ನೊಂದ ಮನಸಿನಲಿ ನಾ
ಗಾಳಿಯಲಿ ತೂರಾಡಿ
ಮುಗಿಲೆತ್ತರಕ್ಕೆ ಏರಿ ನಿಂತೆ
ಇಂದು ಗಾಳಿಪಟವಾಗಿ!!
ನೋಡುವ ಬಯಕೆ ಇರೆ
ತಲೆ ಎತ್ತಿ ನೋಡು ಒಮ್ಮೆ
ನಾ ತೇಲುತ್ತಿರುವೆ ಇಂದು
ಸ್ವಚ್ಛಂದ ಆಕಾಶದಲ್ಲಿ!!
- ಪಿ.ಜಿ.ಜ್ಯೋತಿ
15 May 2017, 09:07 am
Download App from Playstore: