ಅಪರಿಚಿವಾಗಬೇಕಿದೆ.........
ಅಪರಿಚಿತವಾಗಬೇಕಿದೆ ಒಮ್ಮೆ ನಾನು ನನ್ನೊಳಗೆ
ಚಿರಪರಿಚಿತ ನಾನು ಮನಸಿನೊಳಗಿನ ಬಲೆಗೆ
ಕನಸುಗಳದೆ ಸುನಾಮಿ ನನ್ನ ಎದೆಯೊಳಗೆ
ಕೊಚ್ಚಿ ಹೋಗುತಿರುವೆ ನಾ ಇವುಗಳ ಅಲೆಗೆ
ಕೊಚ್ಚಿ ಹೋಗಲೇನು ಅದರೊಳಗೆ ಎಲ್ಲಾ ಮರೆತಂತೆ
ತೋರದೆ ದಡವ ಕಾಡುತಿವೆ ಕಾಣದ ಸಾವಿನಂತೆ
ಬಿಡುಗಡೆಯ ಬಾಗಿಲಿಲ್ಲವೆ ಈ ನೋವಿನ ಸೆರೆಮನೆಗೆ
ಅರಿಯದೆ ಸೋತು ಶರಣಾಗಲೇನು ಸಾವಿನ ಮನೆಗೆ
ಆಪ್ತವಾಗಬೇಕಿದೆ ನಾನೆಂದು ಅರಿಯದ ದಾರಿಗೆ
ಸೇರಿ ಬಿಡಲೇನು ಅವು ಎಳೆದು ಸಾಗುವ ಕನಸಿಗೆ
ಬದುಕಿನ ದಾರಿಯಲಿ ಎಂದೂ ನಿಲ್ಲದ ವಲಸಿಗಳು ನಾನು
ನನಗೂ ಸೇರಲು ಅಂತಿಮ ಸ್ಥಳವಿರಬಹುದೇನು?
- ಶ್ರೀಕಾವ್ಯ
16 May 2017, 09:06 pm
Download App from Playstore: