ಹನಿಮುತ್ತು
ರಾತ್ರಿ ಕನಸಿಗಾದರೂ ಬಂದಾಳೆಂದು
ನಿದ್ರೆ ಬಾರದೇ ಕಾಯುತಲೇ ಇದ್ದೆ.
ಹಗಲುಗನಸಾದಾಳು..!
*
ಬೆಳಕಿರಲಿ ಅಂತ ದೀಪವ ಹಚ್ಚಿಟ್ಟೆ,
ಚಂದಿರನ ಪ್ರೇಯಸಿಗೆ ಮೈಯಲ್ಲಾ ಉರಿ
ತಾರೆಗಳು ಕುಹಕದಿಂದ ನಕ್ಕವು...!
*
ಮನೆ ಮುಂದಿನ ರಂಗೋಲಿಯಲಿ
ಸೂರ್ಯ ಮೊದಲ ಹೆಜ್ಜೆಯನಿಟ್ಟ,
ತುಳಸಿಕಟ್ಟೆಯ ಸುತ್ತುವ ಹುಡುಗಿಗೆ ಕಣ್ಣೆಲ್ಲಾ ಮಂಜು...!
*
ಮಾಳಿಗೆಯ ಮೇಲೆ ಮಲ್ಲಿಗೆಯಂತವಳ
ಮನದೊಳಗೆ ಎಳೆಬಿಸಿಲ ಧ್ಯಾನ,
ಮೈಯ ಮೇಲೆಲ್ಲಾ ತಣ್ಣನೆಯ ಬೆವರ ಹನಿ...!
*
ಕಾಫೀ ಹೀರುವ ತುಟಿಗಳ ಸೋಕಿದ
ಗಾಜಿನ ಕಪ್ಪು ಹತ್ತು ಹನ್ನೊಂದು ಚೂರು,
ನಾನೇ ಬಚಾವ್, ತೊಗಲೆಲುಬಿನ ಮಾನವ...!
*
ಹಗಲು ಹೊತ್ತಿನಲೂ ಬಿಡದೇ ಕಾಡಿದ್ದು
ಅದೇ ಕಾಡಿಗೆ ಕಣ್ಣು, ಬಾಡಿಗೆ ಚಾಳೀಸು
ಕಂಡಿದ್ದೆಲ್ಲಾ ತಂಪು ತಂಪು ಕೂಲ್ ಕೂಲ್...!
- ಚಂದ್ರಶೇಖರ ಮಾಡಲಗೇರಿ.
- ಚಂದ್ರಶೇಖರಮಾಡಲಗೇರಿ
16 May 2017, 11:33 pm
Download App from Playstore: