ಅರಿಯದ ಹಾದಿ.
ಹೊಸತು ಹೊಸತೆಂದೇಕೆ
ಹಳತನು ದೂರುವೆ ನಾಳಿಗದು ಹಳತೆ
ಹೊಸತು ಬರುವ ತನಕ ಹಳತಿನ
ಒಳಿತು ನೆನೆದು ಬದುಕು ಓ ಮನುಜ
ಬಾ ಬಾ ಎನ್ನುವುದ ಬಿಡು
ಬಂದಿರುವುದ ನೆನೆದು ಮನುಜ
ಇಲ್ಲ ಇಲ್ಲೆಂದೇಕೆ ಸಿಡುಕುವೆ
ಬದುಕು ಇರುವುದ ನೆನೆದು
ಹರ್ಷವಿಲ್ಲೆಂದೇಕೆ ಮರುಗುವೆ
ಕುರುಡು ಕತ್ತಲ ಆಚೆ ದಿಟ್ಟಿಸು
ಹರ್ಷ ತಾನಾಗಿಯೇ ಬರುವುದು
ಸೊರಗಬೇಡ ಹೊಸ ಚಿತ್ತವಿರಲಿ ಸುತ್ತ
ಇರುವುದರಲ್ಲಿ ಇತರರಿಗಿಕ್ಕಿ ತಣಿಸಿದೆಡೆ
ಬಂದಗಳು ಬಾಂಧವ್ಯ ಬೆಸೆಯುವುವು
ಇತರರನ್ನು ಕಸಿದುಕೊಂಡು ಕುಣಿದೆಡೆ
ಬಂಧಗಳು ಬೇಸತ್ತು ಬರಡಾಗುವವು ಓ ಮನುಜ
ಭಕ್ತಿಯ ಹಾದಿಯಲಿ
ಮುಕ್ತಿಯಾಕಂಡುಕೊಂಡ
ಪುಣ್ಯಾತ್ಮರು ನೂರಾರು ಅದರ್ಶವಾಗಿರುವಾಗ
ಶಕ್ತಿಯಿಂದ ಮುಕ್ತಿ ಗೆಲ್ಲ ಹೊರಟ
ಮೂಡ ನೀ ಓ ಮನುಜ....
-ಅನಿಲ್ ಕುಮಾರ್. ಜಿ.
- ಅನಿಲಕುಮಾರ್.ಜಿ.
20 May 2017, 03:15 pm
Download App from Playstore: