ನೀನಿಲ್ಲವಾದ ಕ್ಷಣದಲ್ಲಿ..
ನೀನಾದೆ ನನ್ನ ಜೀವನ
ಅದಕೆ ವಂದನೆಗಳು
ನಿನ್ನ ಲೋಕವಾದೆ ನಾ
ಅದಕೆ ಚಿರ ಋಣಿ
ನಿನ್ನ ಮುದ್ದು ನಗೆಯಲಿ
ಅಡಗಿದೆ ನನ್ನ ಕಣ್ಬೆಳಕು
ಕಣ್ರೆಪ್ಪೆಯಲಿ ಮುಚ್ಚಿಟ್ಟು ನೀ ಕಾಪಾಡುವೆ
ನನ್ನ ಎದೆಗೂಡಲಿ ಮಿಡಿವೆ
ಜಲಧಾರೆಯ ಸರಿಗಮವು
ಈ ನಿನ್ನ ನಗುವು
ನಿನ್ನ ಮನದ ಕೈತೋಟದಲಿ
ಅರಳಿವೆ ಸಂತಸದ ಹೂಗಳು
ಪ್ರತಿಕ್ಷಣವು ಬಂಧನ
ನೀ ದೂರ ಇರುವಾಗ
ಪ್ರತಿಹೆಜ್ಜೆಯು ಭಾರ
ನೀ ಜೊತೆ ನಡೆಯದಾಗ
ನೆಮ್ಮದಿಯು ಮಾಗಿದೆ ಹಣ್ಣಾಗಿ
ನಿನ್ನಾಸರೆಯ ಮರದಲ್ಲಿ
ದೀಪವು ಆರುವುದು ಎದೆಯಲ್ಲಿ
ನೀನಿಲ್ಲವಾದ ಕ್ಷಣದಲ್ಲಿ...
- Indushekar Chinivar
24 May 2017, 02:31 pm
Download App from Playstore: