ಚಂದಿರ ನೀ ಆಗುವೆಯ....
ಚಂದಿರ ನೀ ಆಗುವೆಯ ನನ್ನ ಗೆಳೆಯ
ಈ ಕತ್ತಲ ರಾತ್ರಿಗೆ ತೋರುವೆಯ ದಾರಿಯ
ಒಪ್ಪಿ ಕೊಳ್ಳಲಾರೆನು ನಾನು ಸೋಲ
ಕೊಡುವೆಯ ನಿನ್ನ ಕಾಂತಿಯ ಕೊಂಚ ಸಾಲ
ಎಲ್ಲರಿಗೂ ಕಾಣಸಿಗುವುದು ನಾ ಕಂಡ ಸೋಲುಗಳು
ಎಸೆಯುವರು ಗಾಸಿ ಮಾಡುವ ಮಾತಿನ ಕಲ್ಲುಗಳು
ಇಲ್ಲವಾಗಿವೆ ಮನಸನರಿತು ಮುನ್ನಡೆಸುವ ಮನಸುಗಳು
ನಾ ಬದುಕಲಿ ಗಟ್ಟಿಯಾಗಬೇಕು ಖಾಲಿಯಾಗುವ ಮುನ್ನ ಕನಸುಗಳು
ಸೋಲುಗಳಾಗಬಹುದು ಬಾಳಿಗೆ ಕಪ್ಪು ಛಾಯೆ
ಆಗಬಹುದೆ ಸೋಲುಗಳೇ ಮುಂದಿನ ಬದುಕಿಗೆ ಮಾಯೆ
ಕಾಯುತಲೆ ಇರುವೆ ನೋಡಲೊಮ್ಮೆ ನಾನಾಗಬಹುದು ವಿಜಯೆ
ಆ ಗೆಲುವ ನೋಡದೇನೆ ನಾನು ಸಾಯೆ
ಚಂದ್ರನೆ ನಿನ್ನಳೊಗಿದ್ದರು ಅಷ್ಟು ಕಪ್ಪು ಕಲೆಗಳು
ಮರೆಸಿ ಕದ್ದಿರುವೆ ನಿನ್ನ ಕಾಂತಿಯಲೆ ಮನಸುಗಳು
ನಾನೂ ಕಲಿಯಬೇಕಿದೆ ನೋವ ಮರೆಯುವ ಕಲೆಯ
ಒಮ್ಮೆ ಕೆಳಗಿಳಿದು ಬಂದು ಆ ರಹಸ್ಯವ ಕಲಿಸೆಯ
ನಾನು ಈ ಜಗದೊಟ್ಟಿಗೆ ಸೇರಬೇಕು ನಗುವಿನಲೆ ಆಗಿ ತನ್ಮಯ
- ಶ್ರೀಕಾವ್ಯ
25 May 2017, 12:10 pm
Download App from Playstore: